Cielos (已結業)

位於銅鑼灣整潔舒適意大利餐廳，吸引咗好多外國人光顧，因為由意大利人老闆同埋廚師主理，味道夠正宗。最近餐廳經過大翻新，裝修特別精緻，主調色用上藍灰色，牆上掛多幅藝術掛畫，別具風格，充滿住意大利風情，配合埋輕快嘅音樂，好有氣氛。值得一讚嘅係外國店員都好主動友善，超好服務！餐廳最出名係黑松露同埋水牛芝士嘅菜式，所以今次嚟到都要試吓呢兩種嘅菜式。餐廳採用咗連米芝蓮大廚都選用嘅全球第一黑露松露製造商 SabatinoTartufi 品牌，品質有保證。PINZA ROMANA-MORTADELLA STRACCIATELLA E TARTUFO（意式火腿，水牛乳酪芝士，松露醬 羅馬薄餅）手工Pizza即叫即焗，餅底香脆夠熱，黑松露味好濃郁，水牛乳酪芝士自家製，充滿奶香，兩種加埋味道多樣層次，簡單配上意大利火腿，健康嘅橄欖油去烤焗特別滋味。ARTISANAL PASTA-TAGLIOLINI AL POMODORO E BURRATA （手工意粉配水牛芝士）手工意粉配自家製嘅水牛芝士，拎起芝士嘅時候有拉絲效果， 口感煙韌， 充滿奶香味，好邪惡。意粉彈牙，仲吸收左蕃茄嘅味道，濃郁嘅水牛芝士配埋意粉蕃茄