鬼金棒牛骨辣麻拉麵

營業中

休息中

呢間拉麵店其實係一早以辣麻味噌口味聞名嘅鬼金棒副線品牌，今次同樣開喺銅鑼灣謝斐道，一啡一白，左手邊啡色舊店繼續辣麻味噌，隔離右手邊白色就係牛骨湯，非常易認。🍜招牌牛骨拉麵（$100）食拉麵，湯底最緊要！呢度嘅湯底、用上大量牛腿骨熬煮而成，顏色呈奶白色。呢款招牌拉麵特別加入拉麵醬汁，唔單止改變高湯顏色，仲增添更濃厚嘅味道。另外，有別於其他拉麵店，呢度以西冷製成「牛又燒」，再配慢煮牛筋，兩者都肉質軟腍，肉味濃郁，加埋洋蔥同香蔥一齊食，簡直prefect match!🍚月見安格斯牛肉丼 ($80) 除咗白飯，拉麵店更有呢款特色牛丼提供。5大塊跟過慢煮嘅安格斯西冷牛叉燒，呈嫩紅色的，食之前記得撈均蛋汁一齊食，口感會更嫩滑。