意粉屋 (太古城中心)

營業中

休息中

最近喺太古城閒逛，無意中走入咗意粉屋嘆個下午茶，點咗幾款小食試試，結果有驚喜！輕盈焗火腿煙斗粉 ($68)味道偏淡，適合唔鍾意太膩或者追求輕食嘅人。火腿帶少少鹹香，煙斗粉煮得適中，不過整體味道比較普通，唔算驚喜。迷你漢堡併薯條 ($72)漢堡包鬆軟，漢堡扒煎得啱啱好，咬落去唔乾，加埋少量芝士都有少少拉絲感。薯條炸得香脆，份量比較少，食完有啲唔夠喉。整體味道唔錯，算係幾穩陣嘅選擇。脆炸洋蔥圈 ($63)炸得香脆唔油膩，外皮唔會過厚，洋蔥保持甜味，入口唔會一咬就散晒。配芥末醬同茄汁一齊食，更加惹味，幾適合用嚟做小食或者同朋友share。整體感受: 意粉屋下午茶餐選擇多，價錢中等，環境舒服，適合同朋友輕鬆坐低傾下計。味道整體穩陣，雖然冇特別驚艷，但炸物做得幾好，想食啲簡單西式小食時都值得一試。