金鳳大餐廳 (新都城中心三期)

營業中

休息中

【西貢區】【金鳳大餐廳】同美女朋友喺寶林嗰邊買啲嘢，之後就去食嘢。諗極都諗唔掂，揀極都揀唔到之下，就嚟咗食金鳳。食扒都好嘅，同枱食飯又可以各自修行。佢就食「每月精選晚餐」，應該都穩陣嘅，有「牛油餐包」、「是日忌廉湯」同「胡麻醬田園沙律菜」做前菜。主食佢揀 $178 嘅「帶子西冷牛扒」，要鐵板上、五成熟同蒜蓉汁，我有食啲，牛味冇乜，其實加蒜蓉會開心啲。個餐仲有甜品「意大利配方雪糕」，都可以嘅。餐飲佢加 $18 飲「紅牛」，唔係提神嗰隻，係士多啤梨雪糕加利賓納，我冇飲，佢話 okay 就得啦。我食 $206 嘅「美國牛小排餐」，主菜都係鐵板上、五成熟、蒜蓉汁，我就有加 $2 加蒜茸，彌補到牛味嘅濃度不足，純粹食個爽皮。牛油餐包不變，餐湯我就加 $25 升級海皇焗酥皮湯，可以啦。嘢飲就加 $18 飲「白牛」，即係雲呢拿雪糕加雪碧，埋單 $488。。。（地址：將軍澳寶琳貿業路8號新都城中心三期地下G19-20號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：深水埗區分店：1am1564油尖旺區分店：1am1739#1amfoodie