金鳳大餐廳 (新都城中心三期)

營業中

休息中

【西貢區】【金鳳大餐廳】同美女朋友喺寶林嗰邊買啲嘢，之後就去食嘢。諗極都諗唔掂，揀極都揀唔到之下，就嚟咗食金鳳。食扒都好嘅，同枱食飯又可以各自修行。佢就食「每月精選晚餐」，應該都穩陣嘅，有「牛油餐包」、「是日忌廉湯」同「胡麻醬田園沙律菜」做前菜。主食佢揀 $178 嘅「帶子西冷牛扒」，要鐵板上、五成熟同蒜蓉汁，我有食啲，牛味冇乜，其實加蒜蓉會開心啲。個餐仲有甜品「意大利配方雪糕」，都可以嘅。餐飲佢加 $18 飲「紅牛」，唔係提神嗰隻，係士多啤梨雪糕加利賓納，我冇飲，佢話 okay 就得啦。我食 $206 嘅「美國牛小排餐」，主菜都係鐵板上、五成熟、蒜蓉汁，我就有加 $2 加蒜茸，彌補到牛味嘅濃度不足，純粹食個爽皮。牛油餐包不變，餐湯我就加 $25 升級海皇焗酥皮湯，可以啦。嘢飲就加 $18 飲「白牛」，即係雲呢拿雪糕加雪碧，埋單 $488。。。（地址：將軍澳寶琳貿業路8號新都城中心三期地下G19-20號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：深水埗區分店：1am1564油尖旺區分店：1am1739#1amfoodie

生日優惠冇寫有消費條件，埋單先知三個月消費夠幾錢先用得，呢點失策。個扒叫5成，但佢整到起碼7成，冇咩牛味，唔知食緊咩咁，食落還好，叫做啖啖肉咁。平民扒房，兩百蚊黎講食呢種野～稱唔上抵食。

今晚食咗50年金牌鋸扒懷舊餐廳,一入門口待應好有禮貌有善招呼安排座位,先看看餐牌,有好多扒類既套餐,意粉同飯,沙律同湯飲品，仲有焗豬扒飯留待下次食,今次先食扒餐先,叫了一份美國牛小排餐配蒜蓉汁,朋友叫了牛柳餐,先上了羅宋湯, 酸中帶甜、甜中帶香夠濃郁又多菜,配埋牛油餐包真係好夾,超喜歡!之後先上美國牛小排,很喜歡鐵板上,熱騰騰香噴噴,牛小排鮮嫩多汁,肉味濃鬱,軟嫩又有口感,美味!之後上埋牛柳餐,牛柳都係鐵板上,大大夠牛柳份量真係十足,夠晒食！肉質細嫩,入口軟軟的口感,配埋個蒜蓉汁,真係十分美味,最後點了檸檬茶同埋檸茶，完完全全感受到扒房既感覺，地方又好好坐,同朋友可以吹下水,係一個好好既食晚餐地點!

約舊同事食飯, 揀咗一間老字嘅扒房--金鳳大餐廳, 係寶林開設分店已有一段時間, 每次經過都見到唔少人幫襯, 今晚正好同同事一試。呢度嘅扒款式都幾多選擇, 而且仲係套餐價, 當然質素比起快餐店好得多。餐廳地方乾淨企理, 平日晚已經人流不斷。我地兩個分別揀咗一個牛, 一個豬, 自選餐廳有羅宋湯同埋忌廉湯, 個餐包仲係暖暖地, 自行加上牛油, 可以慢慢食等主菜鐵板上檯。鐵板熱辣辣滋滋聲上檯, 自選醬汁—黑椒汁/洋蔥汁,店員即席淋上鐵板上, 熱氣散發令人口水流。每款鐵板都伴有翠肉瓜同埋薯條, 吸咗個汁幾正。 招牌牛柳餐: 先選五成熟, 牛柳幾厚, 表面煎至微焦香, 肉嫩keep到肉汁, 配黑椒汁, 微辣美味, 好食!!!  荷蘭豬扒餐: 面層有件煎得幾香口嘅煙肉, 而兩件豬扒大大件, 同樣有水準, 肉質嫩同彈牙, 有肉汁唔乾, 配洋蔥汁令味道更提升。+$18 追加茄汁意粉意粉微微酸甜, 味道偏淡, 但自行沾上鐵板上嘅汁食, 都唔錯。免費餐飲如下:另外額外加錢升級特飲

今日又嚟我嘅飯堂金鳳大餐廳食晚飯呢次叫咗酥皮忌廉湯，個酥皮好大塊，新鮮整出嚟酥脆可口，至於忌廉湯都好濃郁；至於另外嘅紅湯就依然出色，酸甜適中；我叫咗個鐵板雞扒，雞皮燒得好彩，雞肉唔會過分油膩，上面加咗生蒜，令人欲罷不能；至於朋友就叫咗雜扒，分別有豬扒同雞扒，個豬扒肉質好鬆軟，份量亦都好多，食完之後真係勁飽之所以咁鍾意食金鳳大餐廳，除咗係因為佢有港式情懷之餘，佢嘅食物價錢唔貴，份量又夠多，而且味道好出色，所以每隔一段時間就會嚟呢度食，百吃不厭，非常推薦

For over three decades, Golden Phoenix Restaurant in Tseung Kwan O has been a bastion of old-school Hong Kong-style Western cuisine, serving nostalgia on sizzling iron plates. This retro-styled steakhouse, with its checkered tablecloths, vintage neon signage, and walls plastered with 1980s memorabilia, feels like a culinary time warp—and its legendary Top Sirloin Steak is the crown jewel of its throwback menu.The star dish arrives with theatrical flair: a thick-cut sirloin, seared to char-grille

將軍澳寶琳站金鳳大餐廳環境唔錯乾淨開咗咁耐都冇入過去食過今日試試佢既下午茶先叫左🌟B 生炸雞髀配薯格雞髀就唔算好大隻 但係雞髀雞皮炸得真係好脆 咬落有驚喜 皮脆肉嫩咬落係Juicy嘅👍🏻👍🏻配嘅薯格就唔使講 正常水準🌟I 香煎雞扒配蒜蓉汁意粉下午茶份量唔算多 最令我驚喜係意粉有撈埋汁 好似食緊想當年學生時代嘅椰林閣意粉咁 絕對唔乾身👍🏻如果意粉再熱啲就更加好啦雞扒都好食，就係細塊咗少少 🌟凍檸茶 正常水準係我鍾意嘅片狀檸檬茶 🌟凍奶茶搽底淡咗少少，下次叫多奶會好飲啲，因為真係好淡唔夠濃將軍澳美食唔算多 今餐算唔錯 我會再encore以上純屬個人口味 歡迎自行決定試味報告完畢#將軍澳美食 #將軍澳茶餐廳 #金鳳大餐廳 #將軍澳美食推介 #將軍澳下午茶推薦

金鳳大餐廳嘅鐵板扒餐出名抵食又好味，今晚咁啱嚟到將軍澳見到有分店，梗係要試吓啦！所有扒餐都配有牛油餐包、餐湯及餐飲餐湯有羅宋湯或忌廉湯選擇，我們選擇後者，大大碗口感順滑。餐包塗上牛油，軟熟美味。奉送餐飲，熱飲和凍飲亦不用加錢，最受歡迎係凍檸茶，濃味夠又可以解膩。美式雜扒餐：有豬扒、牛扒，雞翼，香腸、火腿。用鐵板熱辣辣上枱，由店員加上醬汁，可選蒜蓉汁或黑椒汁，我哋選擇後者，當醬汁倒入鐵板上，立即發出吱吱聲，而且更香氣四溢，豬扒和牛扒都好大塊，肉質鮮嫩，配黑椒汁好惹味！另加18元有茄汁意粉，意粉用茄汁炒得好香口。扒餐奉送薯條，本來係放入鐵板一齊上，但如果脆口一點就要另上，因為醬汁會令薯條變林。鴛鴦扒餐係豬扒和雞扒，份量十足，喜歡蒜香嘅可以加2蚊生蒜，生蒜可令整個扒味道更香更濃。

平凡嘅晚上想來點不平凡？🧐 今晚 R 就去咗<金鳳大餐廳>鋸扒，來點儀式感😇 西冷牛扒鐵板餐 ($144)同牛柳鐵板餐 ($144)好抵食好正啵😙 聽到牛扒在鐵板上滋滋作響，聞住令人食指大動嘅香氣，拎住張紙巾擋住彈起嘅熱醬汁，過程絕對係儀式感當道😜 今次為兩個扒餐都加上生蒜，香味MAX💖西冷牛扒好大件，行嫩滑多肉汁路線，脂肪相對較多😋 揀咗配蒜蓉汁，非常滋味👍🏻 牛柳肉質鮮美彈牙，煎到恰到好處，外焦內嫩🤩 牛肉味好香濃，陣味夠 signature，配上微辛黑椒汁，夠晒過癮😎西冷牛扒和牛柳鐵板餐無論係味道定質量，都令人稱心滿意☺️ 想要五感刺激要儀式感，<金鳳大餐廳> 鐵板餐等緊你😉

細細個就食老字號金鳳🍽️港式扒餐超貼地，價錢大眾化之餘份量大又好味今日趁早唔洗等位，試下招牌牛柳餐先😋招牌牛柳餐好出色🔥牛柳7成熟外焦內嫩，肉質鮮嫩多汁，口感軟腍淋上香濃黑椒汁，陣陣香氣，黑椒汁嘅辛香完美地襯托出牛肉鮮味啖啖肉，好滿足啊😍雜扒餐有齊豬扒、牛扒、火腿、腸仔和雞翼，大滿足🤩豬扒超爽口，肉質好嫩滑爽口，估唔到咁好味！牛扒肉質鮮美，媲美招牌牛柳，淋上蒜蓉汁好香口～一定要加$2多蒜蓉，超惹味香口，啖啖都食到蒜蓉香🤤每份扒餐麵配搭餐包、西湯同飲品估唔到而家百幾蚊仲有咁高質嘅港式鐵板餐食🔥🍽️

【貴族牛扒套餐🥩】個扒一上檯，我即刻俾個賣相吸引住😍 牛扒用嘅係美國牛肩肉 肉質鮮嫩多汁，煎得外焦內嫩✨一刀切落去，肉汁瞬間爆曬出嚟😋！咬落去，裡面嘅肉質鮮嫩多汁到痹，口感軟嫩中又帶有嚼勁，牛肉嘅香味充滿成個口腔，啖啖都好有幸福感，真係食過返尋味👍我仲追加咗一份蒜蓉🧄，蒜蓉同牛扒簡直絕配！！蒜蓉煎香之後嗰陣香味可以話係香飄十里，同牛扒嘅肉香完美融合，層次感豐富到爆棚，食得蒜嘅朋友仔就唔好走寶啦！！😜套餐入面仲包含咗【牛油餐包🥐、餐湯🥘同餐飲🥤】牛油餐包熱辣辣上檯，外脆內軟，塗上牛油超級好食😚羅宋湯嘅湯底濃郁，飲落去暖笠笠，好開胃！

將軍澳區都有傳統既港式羊扒餐🥩🔥熠熠聲真係好有氣氛又滋味一個套餐連埋餐包餐湯嘢飲🧃夠晒飽🍅羅宋湯酸味味有好多菜 都幾鮮甜🥫嗌咗10分鐘左右已經好快上菜😻熱辣辣嘅鐵板上面有三大塊羊架、薯格、蘿蔔、翠玉瓜🥦我揀咗蒜蓉汁🧡侍應就會行過嚟幫你倒啲汁倒瀉晒 真係沙沙聲！🥩羊架好香脆，多肉少肥，慢慢食真係幾寫意仲有啲羊味好香 係食牛扒既另類選擇🥩嗌五成熟就岩岩好 一啲都唔會硬得濟再嗌埋杯凍檸茶🍋🍸

放假去咗朋友將軍澳屋企佈置聖誕裝飾，之後去咗附近嘅金鳳大餐廳食晚餐，餐廳是港式扒房老字號，以平民懷舊鐵板餐而聞名。扒餐包牛油餐包、羅宋湯或忌廉湯、餐飲（指定凍飲不另收費）牛油餐包鬆軟，忌廉湯都好大碗，入口順滑。香燒羊扒餐份量十足，羊扒揀咗五成熟，用鐵板盛載上枱，侍應將醬汁淋在鐵板，（醬汁有兩款，分別是黑椒汁和蒜蓉汁，）醬汁四濺， 隨著熱力發出滋滋聲響，煙霧瀰漫，香氣四溢。羊扒燒得香脆肉嫩，肉味濃而不羶。加上黑椒汁，十分惹味！香煎雞扒餐份量亦好足，雞扒有兩大塊，肉質鮮嫩入味，配黑椒汁，食落啖啖肉超惹味，所有扒餐均有薯條和翠玉瓜墊底，十分豐富。凍檸茶芳香清新，茶味香醇濃郁。

今次路過將軍澳新都城，見到開左金鳯大餐廳，之前聽聞係開業超過50年的平民扒房，油尖旺區經常客滿要排隊，今次路過將軍澳呢間門口已經有十多人圍住，一於試下！😌我們一行三人，每人叫一個餐再share。我地分別點左：晚餐A $178，包括沙律、帶子西冷牛扒、沙律及餐包、湯及飲品，我地揀左牛扒七成熟及蒜蓉汁，仲可以加$25 轉海皇酥皮湯！晚餐B $188，包括沙律、芝士焗大蝦西冷牛扒、沙律及餐包、湯及飲品，屋企人都係揀左牛扒七成熟及蒜蓉汁，再加25 轉海皇酥皮湯！再點左個金鳳皇牌焗豬扒飯 $82！整體黎講，牛扒係鐵板上，個presentation 充滿老香港風味，而且西冷牛扒又鬆軟，好易咬開，熱辣辣食最好味！而酥皮湯都真係好耐冇試過咁熱上枱的食法，酥皮好酥脆，個湯好creamy！好味！個焗飯大大碟，炒飯底唔乾，豬扒又軟又易咬，酸甜度適中！而帶子大大粒又軟綿，大頭蝦肉質就略為不夠爽脆…😅侍應普遍都有禮貌，整體體驗令人滿意！👍

如果想食鋸扒，然後仲要係鐵板嘅話應該就淨係得金鳳可以選擇～今次同屋企人六個人一齊食可能因為舖頭細嘅關係啩？一定要齊人先入得去…但係齊咗人都仲要等好耐，因為舖頭有啲細如果你係兩個或者四個嗰啲就可以即刻入五個人以上等大枱嘅話嘅話就要喺出邊食風，差一個人未到都唔得😂入到去我哋叫咗五個扒餐，然後一個芝士焗西蘭花我哋叫咗兩個dinner set嘅帶子西冷牛扒餐，一個T骨，一個帶子牛柳餐，同埋雜扒餐～然後佢話醬汁可以揀黑椒汁或者蒜蓉汁，兩者都偏鹹😂😂😂其實唔係好明，點餐嘅時候會問定嗰個扒係黑椒汁定係蒜蓉汁，咁佢應該mark定咗？但係個扒嚟到嘅時候汁嗰個職員又問多次係黑椒汁定係蒜蓉汁，咁其實問嚟做咩？雜扒餐數量都幾多！如果對肉嘅質素冇乜要求，而且好肚餓可以試呢個然後牛嚟講，我覺得T骨係最好食～因為其實每一款牛我都食得出落咗鬆肉粉🫠T骨相對地少啲（我感覺）帶子都有兩大粒嘅，不過凍嘅😂😂😂同埋鐵板上到嚟每一個嘅溫度都唔同因為店員醬汁嘅時候渣渣聲會有分別…湯我自己就揀咗飲紅湯都幾好飲～啲菜已經淆到好腍！最後嗌咗杯凍檸茶不過不失冇乜特別～不過我dinner set嘅話會配埋雪糕，今次係朱古力味，說得好凍其實