泰國婆

營業中

休息中

【西貢區】【泰國婆】去將軍澳食飯，除咗可以搵東海棠，仲可以搵美女朋友，佢都係住附近。不過佢 suggest 食泰國嘢就本身非我所喜，對泰國菜唔係太有興趣。加上仲要等位，明見到佢哋死 hold 住張四人檯一陣都唔放，仲冇 booking，都好耐先放兩 pair 人入去坐嗰張檯。美女朋友話佢想食生蝦刺身，所以就點咗 $138 嘅「生蝦刺身」，有八隻，味道唔算好突出，醬汁亦都平平無奇，大半碟我孝敬晒美女朋友就算。我記得我好似唔知食咗一隻定兩隻，本身我對生蝦刺身都唔反感，但呢碟真心麻麻，接近成廿蚊隻真係有啲貴。之後佢食 $88 嘅「鳳尾蝦炒金邊粉」，佢話 okay。我就食 $82 嘅「泰式海南雞飯」同飲 $25 嘅「泰式凍檸檬茶」，影檸茶相嗰陣由於掛住望美女朋友所以 out 咗 focus 抱歉。個飯同杯嘢飲就好一般，冇咩好寫。價錢加埋一埋單 $366，都冇乜機會再食。。。（地址：將軍澳坑口重華路8號東港城2樓238號舖）#1amfoodie #foodie #hkfoodie #thatfoodiething #hkfood #food #instafood #yummy #foodlove