影片
以上資料只供參考, 請與餐廳確認詳情
今日朋友帶咗我哋嚟東港城食泰國菜，餐廳都幾大，位於商場轉角位置，以木色系為主。八點入座，已經差唔多坐滿九成。泰式四拼盤 $148拼盤有蝦餅、魚餅、春卷、雞翼。拼盤新鮮炸出，春卷炸得香口。蝦餅口感彈牙，配埋泰式甜酸醬，味道唔錯。魚餅加入香茅，每啖都充滿香茅味道。串燒拼盤(6串) $98拼盤有雞、牛、豬，每款有2串。串燒燒得剛剛好，食落仲有肉汁。肉質本身已醃得幾入味，亦可配上提供嘅沙嗲醬一齊食。咖喱麵包軟殼蟹 $88麵包內裝滿咖喱同軟殼蟹，賣相相當吸引。軟殼蟹炸得酥脆。咖喱好香，味道唔太辣。麵包鬆軟，吸汁一流，每口麵包都充滿咖喱。泰式肉碎生菜包 $88生菜新鮮，泰式肉碎加入蒜同指天椒，炒得幾香辣惹味，辣得幾過癮。飛天炒通菜 $78幼身通菜，食落唔算太辣。泰式船湯河 $78船河足料，有牛肉片、牛丸、蘿蔔、炸豬皮。湯底帶微甜。牛肉比較有咬口，炸豬皮放上面，食落仲好好香脆。芒果糯米飯 $68食泰國菜，必點芒果糯米飯。芒果超甜，仲配熱辣辣嘅黑糯米同白糯米，糯米軟糯有咬口，滿足。另外，餐廳仲會送上桂花糕作為甜品，味道都唔錯，唔太甜。
繼續閱讀
餐廳裝潢不俗，木色系搭配不少綠色植物，也有木造吊扇等細緻裝飾，頗有東南亞風味。食客人數不算少，看來是附近街坊喜愛的餐廳之一，相信味道亦有保證。一試，果不其然。【鹽燒烏頭】這魚真的值得一食，幾乎連骨都想吮吸。體積足夠3-4人食用。吃烏頭最怕有泥味，但這餐廳處理得很好，相信有賴於魚肚內塞入滿滿的香茅之類的香草，而魚皮表面的鹽巴也讓整條魚即使不用添加其他醬料也足夠的惹味了。【泰式鳳爪沙律】泰式鳳爪就是泰式鳳爪，涼涼的，酸辣雜陳，口感爽脆，很是開胃。既然是沙律，當然有些生菜墊底。看似普通，想不到沾到泰式鳳爪的酸辣味之後令生菜有種煥然一新的感覺。【泰式船湯河】很多泰式湯粉麵都會搭配炸豬皮，但往往炸豬皮都不夠新鮮，失去了爽脆口感，變得或硬或淋，簡言之疏風。不過，這碗的炸豬皮仍然嘎嘣脆。湯底的吵嗲味不濃烈卻突出，恰到好處。【馬拉盞炒通菜】炒菜不油不好吃的，所以這碟滿滿的油香溢於言表。相反，馬拉盞味稍微淡了一點，美中不足。【附送甜點-藍色立方體】不知名的東西，所以我自行據外表取名。味道清新，吃起來似大菜糕之類，又有淡淡的椰漿味。
繼續閱讀
一入將軍澳又約咗朋友去「泰國婆」食好西😬.⚠️此餐廳收取10%服務費💰.醉貓炒河🥢單點$108💰加入粟米芯🌽彩椒🫑豆角🫛甘筍🥕肉碎等配料炒寬河粉🐖食落微辣帶泰式香料味🤤河粉煙韌😆.鐵板蠔仔餅🍳單點$88💰蠔餅以鐵板承載，熱辣辣🔥表面香脆，內裡軟熟，鑊氣十足😗有好多蠔仔🦪芽菜、蔥花等💚蛋邊酥脆，沾上辣醬🌶️十分香口😋.泰式炸蝦餅🍤單點$58💰蝦餅厚身，鮮甜彈牙😝點上泰式辣醬🇹🇭非常惹味👍🏻.泰式千層糕🥥單點$45💰.泰式奶茶(2杯)🧋單點$50💰
繼續閱讀
好好地一餐父親節飯，食到一肚氣🤬叫左個蟹肉炒飯，細份，蟹肉無味唔新鮮，仲加三色豆冬蔭湯得一隻蝦🙄個味又淡泰式涷奶茶完全唔合格，細杯又唔夠味😑我見到有一個comment講得非常之準確杯涷奶茶係細個茶餐廳洗餐具嘅杯份量少，味道咁淡，啲野唔新鮮未試過咁差既泰國野啲野根本唔合格上菜又慢，食到中途係度等但未到收舖時間就係咁趕人店員係咁俾說話人聽，說要收工，佢哋要準時走未食過一餐飯趕到咁😡一家人開開心咁食飯點知食到鬼死咁嬲無下次！
繼續閱讀
係東港城行完街 媽媽話有啲想食泰國野見到有間餐廳叫泰國婆 就入咗去食個lunch 我地點咗個泰式四拼盤（蝦餅 魚餅 春卷 雞翼）、大頭蝦串燒同埋黃咖哩牛腩飯。仲有2杯飲品，青檸梳打及泰式檸檬茶。黃咖喱牛腩飯，咖喱汁好好味，椰香味重，完全唔辣，牛腩好淋，我自己就中意食唔辣嘅咖喱，所以覺得好岩我既口味，由其是佢椰汁味好濃好香，我自己就真係好中意食。泰式四拼盤幾款小食味道岩岩好，完全唔會太鹹，雖然係炸野，但唔覺得好油膩。
繼續閱讀
您可能會有興趣的...