影片
更多
2023-08-28
241 瀏覽
厚興瑜記係香港有咁多間分店，相信大家對呢個名都唔陌生，但過去我都只係食過外賣，今次竟然比我遇到一間堂食分店，即刻要同大家介紹下！———————————————🌟花雕醉雞水晶粉(套餐) $60 我平時就已經好鍾意食花雕醉雞，見到即時就選擇咗呢個套餐，花雕汁本身味道唔會好濃，所以雞就算醃到好入味都唔會被個汁底蓋過，仍然可以食到雞味。而且雞件全部都好滑身，皮薄唔會肥膩真心好唔錯。水晶粉方面煙煙韌韌，正正就係我想食嘅，不過本身佢將醉雞分開上，水晶粉個湯底會偏淡少少，所以我會將水晶粉再撈落醉雞個汁，味道更佳！.🌟招牌手撕雞三寶米粉 (套餐) $58三寶係包括手撕雞同可以另外自選兩款特色小食，我地就選擇咗海蜇同雞腎，但其實佢有好多選擇包括豬耳、麻辣豬肚、鳳爪等等可以自由配撘。除三寶外佢仲有溏心蛋、木耳同蔬菜，成個感覺都好豐盛。海蜇同雞腎本身都好爽口，手撕雞作為招牌更係唔話得，雞味重之餘又香又滑身，真係好好食。.🌟花雕醉鳳爪 $36鳳爪比想像中多好多，平時加呢個錢一份都係得幾隻，呢度又好多隻而且味道又好食，同上面花雕醉雞味道一樣，性價比非常高。.🌟上湯魚腐娃娃菜 $26娃娃菜個份量真係好多，平時好
厚興瑜記係香港有咁多間分店，相信大家對呢個名都唔陌生，但過去我都只係食過外賣，今次竟然比我遇到一間堂食分店，即刻要同大家介紹下！
———————————————
🌟花雕醉雞水晶粉(套餐) $60
我平時就已經好鍾意食花雕醉雞，見到即時就選擇咗呢個套餐，花雕汁本身味道唔會好濃，所以雞就算醃到好入味都唔會被個汁底蓋過，仍然可以食到雞味。而且雞件全部都好滑身，皮薄唔會肥膩真心好唔錯。水晶粉方面煙煙韌韌，正正就係我想食嘅，不過本身佢將醉雞分開上，水晶粉個湯底會偏淡少少，所以我會將水晶粉再撈落醉雞個汁，味道更佳！
.
🌟招牌手撕雞三寶米粉 (套餐) $58
三寶係包括手撕雞同可以另外自選兩款特色小食，我地就選擇咗海蜇同雞腎，但其實佢有好多選擇包括豬耳、麻辣豬肚、鳳爪等等可以自由配撘。除三寶外佢仲有溏心蛋、木耳同蔬菜，成個感覺都好豐盛。海蜇同雞腎本身都好爽口，手撕雞作為招牌更係唔話得，雞味重之餘又香又滑身，真係好好食。
.
🌟花雕醉鳳爪 $36
鳳爪比想像中多好多，平時加呢個錢一份都係得幾隻，呢度又好多隻而且味道又好食，同上面花雕醉雞味道一樣，性價比非常高。
.
🌟上湯魚腐娃娃菜 $26
娃娃菜個份量真係好多，平時好鍾意叫菜食，但成日都覺得唔係好抵好多餐廳得好少，但呢度真係物超所值，份量多又好食，仲要有埋魚腐係入面。
.
🌟柚子蜜水晶奇亞籽 $16
柚子蜜味道酸酸甜甜，本身係見到奇亞籽所以叫，奇亞籽比想像中少但完全唔影響個味道，啲水晶口感好有趣好似啫喱咁，基本上每啖都有好有咬口。
.
🌟鮮奶水晶華田 $16
呢個同想像中唔同，因為佢個底其實係鮮奶為主，反而華田係用黎做水晶，味道上比較特別，感覺係鮮奶再加有淡淡嘅華田香，甜味道主要嚟自於佢個華田水晶，都幾值得大家一試。
.
🔸整體評價🔸
呢個價錢享受到既味道同份量真心係物超所值，套餐其實仲包有例湯，例湯本身係蓮藕湯，用料都好足。不過都係今次嚟到屯門先有機會食到，唔知仲有冇其他分店都有堂食，如果大家見到都真係要試試佢。
張貼
