影片
更多
2023-08-22
523 瀏覽
天后及銅鑼灣人氣甜品店「甜姨姨」今次去到九龍開分店，平時夜晚喺港島食甜姨姨都大排長龍，今次喺鑽石山荷里活廣場開設第三間分店，方便一衆九龍人唔洗過海都可以品嚐到佢哋嘅甜品，甜姨姨嘅甜品種類創新同埋多元化，除咗港式甜品外，仲有日式刨冰、中式糖水，台式芋圓等，另外呢度用Qr code 落單，好方便。汪阿姐 - Ruby Umbrella江阿姐係火龍果刨冰，賣相過癮，刨冰用上咗日本硬冰同埋日本刨冰機刨成雪花，口感綿綿，入口細膩，用火龍果汁淋喺忌廉同埋刨冰上，火龍果味濃郁，刨冰入口即化，夏日炎炎食刨冰消暑又降溫，刨冰裏面仲有椰果同埋士多啤梨脆粒，口感豐富。另外配有一份抹茶蕨餅，口感煙韌，抹茶蕨餅帶有淡淡苦澀味，味道香醇。特濃朱古力心太軟 - Chocolate Lava Cake朱古力心太軟外脆內軟，內裏用上法國百年名牌 weiss 85%朱古力，朱古力味濃郁，中間流心，朱古力控必定鐘意，另外配上Haagen-Dazs 雲呢拿雪糕，冰火相融，大滿足。即撞木桶豆腐花 - Tofu Pudding豆腐花係甜姨姨嘅招牌之一，即叫即撞，係傳統嘅味道，打開木蓋已經聞到好香嘅豆腐味，豆腐花嘅口感香滑，豆味濃
天后及銅鑼灣人氣甜品店「甜姨姨」今次去到九龍開分店，平時夜晚喺港島食甜姨姨都大排長龍，今次喺鑽石山荷里活廣場開設第三間分店，方便一衆九龍人唔洗過海都可以品嚐到佢哋嘅甜品，甜姨姨嘅甜品種類創新同埋多元化，除咗港式甜品外，仲有日式刨冰、中式糖水，台式芋圓等，另外呢度用Qr code 落單，好方便。
汪阿姐 - Ruby Umbrella
江阿姐係火龍果刨冰，賣相過癮，刨冰用上咗日本硬冰同埋日本刨冰機刨成雪花，口感綿綿，入口細膩，用火龍果汁淋喺忌廉同埋刨冰上，火龍果味濃郁，刨冰入口即化，夏日炎炎食刨冰消暑又降溫，刨冰裏面仲有椰果同埋士多啤梨脆粒，口感豐富。另外配有一份抹茶蕨餅，口感煙韌，抹茶蕨餅帶有淡淡苦澀味，味道香醇。
特濃朱古力心太軟 - Chocolate Lava Cake
朱古力心太軟外脆內軟，內裏用上法國百年名牌 weiss 85%朱古力，朱古力味濃郁，中間流心，朱古力控必定鐘意，另外配上Haagen-Dazs 雲呢拿雪糕，冰火相融，大滿足。
即撞木桶豆腐花 - Tofu Pudding
豆腐花係甜姨姨嘅招牌之一，即叫即撞，係傳統嘅味道，打開木蓋已經聞到好香嘅豆腐味，豆腐花嘅口感香滑，豆味濃郁，可自行加配黃糖，但唔洗加太多黃糖經已好好味。
黑糖珍珠蕨餅 - Warabi Mochi with Brown Sugar Pearls
黑糖珍珠粒粒煙靭彈牙，黑糖珍珠帶微甜，配上沾滿黃豆粉嘅蕨餅，口感煙煙韌韌，份量啱啱好。
芒果班戟 - Mango Pancakes
班戟皮好薄，口感帶有層次，包住味道鮮甜菲律賓呂宋芒既芒果肉同埋香滑嘅奶油廉忌，厚厚嘅芒果肉好足料，味道唔錯。
張貼
