影片
更多
2023-09-08
65 瀏覽
呢間餐廳經過好多次都留意到佢上面嘅漫天燈籠，一直都想入去試下，今次終於同男朋友過咗嚟喇！餐廳分上下兩層，唔同位置裝修風格都有少許不同，我哋直接坐出面燈籠位，打卡影出嚟真係好靚🤭———————————————🌟雜錦牛湯河 $119入面有好多種牛肉，包括炒鮮牛肉、牛扎肉、牛肉丸、牛肋骨同牛皮，當中最好食就係牛肋骨，牛味好重之餘又好腍身。鮮牛肉比較細舊，但係份量都唔少，食落都好好味。湯底味道少少辣，河粉個質感同出面有少少唔同，食落係好實心嘅感覺，味道唔錯！.🌟酸辣香茅炒虎蝦扎 $128外表有少少似炒金邊粉，不過食落味道完全唔同，佢個粉係似米粉比較幼身。由於加有香茅又酸辣味，會有少少似冬蔭公香，上面都有好多扎肉同蝦，好香口亦都充滿越南風味。.🌟自選串燒拼盤 (6串) $198串燒係以越南風味為主，我地選擇咗特色越南豬腩、自制牛扎肉、菠蘿串燒、素串燒同另外加$18要咗個越南墨魚串，入面最推介一定係越南墨魚串，建議大家就算唔叫拼盤都要叫返串試，佢個墨魚好大串串，每一舊都好大，但全部都唔會韌，彈牙又好味。另外佢有兩款好特別嘅汁，我特推綠色果款，佢味道係偏酸辣，個酸度都高而且有少少梅粉嘅味道，好特別又
呢間餐廳經過好多次都留意到佢上面嘅漫天燈籠，一直都想入去試下，今次終於同男朋友過咗嚟喇！餐廳分上下兩層，唔同位置裝修風格都有少許不同，我哋直接坐出面燈籠位，打卡影出嚟真係好靚🤭
———————————————
🌟雜錦牛湯河 $119
入面有好多種牛肉，包括炒鮮牛肉、牛扎肉、牛肉丸、牛肋骨同牛皮，當中最好食就係牛肋骨，牛味好重之餘又好腍身。鮮牛肉比較細舊，但係份量都唔少，食落都好好味。湯底味道少少辣，河粉個質感同出面有少少唔同，食落係好實心嘅感覺，味道唔錯！
.
🌟酸辣香茅炒虎蝦扎 $128
外表有少少似炒金邊粉，不過食落味道完全唔同，佢個粉係似米粉比較幼身。由於加有香茅又酸辣味，會有少少似冬蔭公香，上面都有好多扎肉同蝦，好香口亦都充滿越南風味。
.
🌟自選串燒拼盤 (6串) $198
串燒係以越南風味為主，我地選擇咗特色越南豬腩、自制牛扎肉、菠蘿串燒、素串燒同另外加$18要咗個越南墨魚串，入面最推介一定係越南墨魚串，建議大家就算唔叫拼盤都要叫返串試，佢個墨魚好大串串，每一舊都好大，但全部都唔會韌，彈牙又好味。另外佢有兩款好特別嘅汁，我特推綠色果款，佢味道係偏酸辣，個酸度都高而且有少少梅粉嘅味道，好特別又好好味。
.
🌟D24榴槤芭菲配荔枝雪糕 $98
呢間餐廳嘅甜品種類非常多，一定唔可以唔試甜品。我哋簡咗呢個榴槤芭菲，先係上面個荔枝雪糕已經非常令人心動，荔枝同牛奶味都配合得好好，上面嘅蝴蝶酥牛油味都重非常香口酥脆。中間有少少類似榴槤味嘅cream，味道好濃郁好好味，榴槤肉本身都高質全部都甜一啲苦味都唔會有。另外有兩層蒟蒻分別係斑蘭同荔枝味，再加上玉米片，多種唔同口味唔同口感嘅材料，配搭一齊真係好好味，分開食同撈埋食都一樣咁正。
.
🌟鮮熱情芒果沙冰 $68
飲得出係新鮮製作，特別係熱情果嘅味道好出，酸酸甜甜再加埋冰沙最適合就係夏天飲。
.
🌟凍法式布蕾烏龍奶茶 $65
呢杯都比我想像中更好飲，一開始見到法式布蕾係有抱住試下嘅心態叫，飲落真係非常有驚喜，甜度適中，面頭有濃郁茶粉什至有少少類似玄米脆嘅配料，撈埋飲茶味濃郁之餘仲有少少咬口，正！
.
🔸整體評價🔸
整體都非常推薦，餐廳本身都安排現場音樂表演，成個環境感覺都非常Chill，而且飲品同甜品款式同非常多，就算唔過嚟食飯大家都可以食完飯再過嚟Chill😍
張貼
