影片
更多
2021-10-20
733 瀏覽
自從自己有車牌之後，20幾年間都時不時身痕揸車走去黃金海岸hea食個飯，所以都見證住嗰度餐廳嘅變遷，可以話依家多餐廳好多。（老人家又講以前，唉！）話說今日工作關係有人車去黃金海岸，又有人請食飯，就當然試未食過嘅野。喺黃金海岸商場有間環境好日式嘅餐廳叫「秋香」，撞正我呢個百虎就要試試（阿伯又爛gag，忍夠你喇）。環境☑️☑️☑️室內放到4張4人枱同1張6人枱，算坐得舒服。裝修都算ok，無咩特別。味道☑️☑️☑️☑️☑️由於係下午去所以係lunch menu，點咗一道滑蛋浦燒鰻魚煲仔飯，跟一個前菜同麵豉湯。鰻魚飯係menu上最貴嗰幾道菜，自然期望會大少少，而呢個飯亦體驗到佢嘅創意，將鰻魚飯結合煲仔飯，係絕對成功嘅。兩條鰻魚下面係滑蛋，蛋下面就係沾有醬汁嘅飯。由下層講起，個煲仔飯真係有飯焦，配合鰻魚飯汁食幾好味、幾特別。而中層嘅滑蛋香滑，好夾個飯。最後係上層嘅主角鰻魚，肉質鬆軟，又夠大條，道理上真係爆滿分，不過條鰻魚可能唔夠靚，所以魚味唔係好出，好似醬汁入唔到肉身。性價比☑️☑️☑️☑️老實講，鰻魚飯係一道貴價菜式，其他地方食過$200都有，今次$178算係咁啦。再加上店員服務幾好，落order快加水快關心跟進隔離
話說今日工作關係有人車去黃金海岸，又有人請食飯，就當然試未食過嘅野。喺黃金海岸商場有間環境好日式嘅餐廳叫「秋香」，撞正我呢個百虎就要試試（阿伯又爛gag，忍夠你喇）。
環境☑️☑️☑️
室內放到4張4人枱同1張6人枱，算坐得舒服。裝修都算ok，無咩特別。
味道☑️☑️☑️☑️☑️
由於係下午去所以係lunch menu，點咗一道滑蛋浦燒鰻魚煲仔飯，跟一個前菜同麵豉湯。鰻魚飯係menu上最貴嗰幾道菜，自然期望會大少少，而呢個飯亦體驗到佢嘅創意，將鰻魚飯結合煲仔飯，係絕對成功嘅。
兩條鰻魚下面係滑蛋，蛋下面就係沾有醬汁嘅飯。由下層講起，個煲仔飯真係有飯焦，配合鰻魚飯汁食幾好味、幾特別。而中層嘅滑蛋香滑，好夾個飯。最後係上層嘅主角鰻魚，肉質鬆軟，又夠大條，道理上真係爆滿分，不過條鰻魚可能唔夠靚，所以魚味唔係好出，好似醬汁入唔到肉身。
性價比☑️☑️☑️☑️
老實講，鰻魚飯係一道貴價菜式，其他地方食過$200都有，今次$178算係咁啦。再加上店員服務幾好，落order快加水快關心跟進隔離枱食客order，間店都值推！
滑蛋浦燒鰻魚煲仔飯
$178
15 瀏覽
2 讚好
0 留言
滑蛋浦燒鰻魚煲仔飯
13 瀏覽
1 讚好
0 留言
滑蛋浦燒鰻魚煲仔飯
16 瀏覽
0 讚好
0 留言
張貼
