影片
更多
2023-10-26
453 瀏覽
最近主打韓燒嘅炑八韓烤 x 清熱酷推出「清熱酷極上韓烤套餐 」，由10月1日起至11月2日期間只要係店內享用呢個套餐就附送清熱酷即飲樽裝350毫升2支，有綠涼茶同埋草本百花菊選擇，等大家可以一邊韓燒，一邊飲清熱酷，清熱解毒，唔怕熱氣，增強抵抗力。清熱酷極上韓烤套餐套餐肉類種類好多，包括有牛舌、LA牛骨、醬油豬五花、蔥蒜牛五花、韓國豬梅肉、韓牛前胸肉，月見牛腹肉。前菜有泡菜、醃蘿蔔、芽菜、沙律菜，仲有生菜、粟米芝士爐邊蛋、泡菜爐邊蛋可以無限添加。牛舌將牛舌薄薄燒香，燒嘅時間唔使太耐，牛舌柔嫩脆靭，仲有滋滋冒油，沾少少鹽嚟食味道好夾。LA牛骨LA牛骨係韓國一道燒肉名品，每塊LA骨都附有肉骨，肉骨位置帶有濃郁牛味，將牛骨肉燒至金黃色，肉骨口感有嚼勁，每一啖肉都油香四溢。醬油豬五花韓國五花肉經過秘製醬油燜醃過，五花肉脂肪同肉嘅比例唔錯，經過燒完之後軟腍入味，用生菜加埋泡菜包住五花肉嚟食食一流。蔥蒜牛五花牛五花經過蔥蒜醃製，上面仲有大量蔥蒜，燒起嚟蒜頭味濃郁，牛五花肥瘦均勻，醃得入味，牛五花帶有油脂香，入口即溶。韓國豬梅肉韓國豬梅肉有濃厚豬肉味，用幾種水果醃製而成份外香甜，將豬梅肉燒到金黃色同埋
最近主打韓燒嘅炑八韓烤 x 清熱酷推出「清熱酷極上韓烤套餐 」，由10月1日起至11月2日期間只要係店內享用呢個套餐就附送清熱酷即飲樽裝350毫升2支，有綠涼茶同埋草本百花菊選擇，等大家可以一邊韓燒，一邊飲清熱酷，清熱解毒，唔怕熱氣，增強抵抗力。
清熱酷極上韓烤套餐
套餐肉類種類好多，包括有牛舌、LA牛骨、醬油豬五花、蔥蒜牛五花、韓國豬梅肉、韓牛前胸肉，月見牛腹肉。前菜有泡菜、醃蘿蔔、芽菜、沙律菜，仲有生菜、粟米芝士爐邊蛋、泡菜爐邊蛋可以無限添加。
牛舌
將牛舌薄薄燒香，燒嘅時間唔使太耐，牛舌柔嫩脆靭，仲有滋滋冒油，沾少少鹽嚟食味道好夾。
LA牛骨
LA牛骨係韓國一道燒肉名品，每塊LA骨都附有肉骨，肉骨位置帶有濃郁牛味，將牛骨肉燒至金黃色，肉骨口感有嚼勁，每一啖肉都油香四溢。
醬油豬五花
韓國五花肉經過秘製醬油燜醃過，五花肉脂肪同肉嘅比例唔錯，經過燒完之後軟腍入味，用生菜加埋泡菜包住五花肉嚟食食一流。
蔥蒜牛五花
牛五花經過蔥蒜醃製，上面仲有大量蔥蒜，燒起嚟蒜頭味濃郁，牛五花肥瘦均勻，醃得入味，牛五花帶有油脂香，入口即溶。
韓國豬梅肉
韓國豬梅肉有濃厚豬肉味，用幾種水果醃製而成份外香甜，將豬梅肉燒到金黃色同埋焦香，入口滿口油香，口感豐厚，肉質結實細膩，用新鮮爽脆嘅生菜包住嚟食，中和油膩感。
韓牛前胸口肉
韓牛前胸肉嘅部位量少而矜貴，前胸肉嘅脂肪分佈較多，油花細緻，燒完後入口即溶，肉味濃郁。
月見牛腹肉
牛腹肉油脂豐富，用大火燒出油脂、逼出香氣，將牛腹肉燒好後沾上蛋黃醬汁嚟食，燒肉入口順滑，同月見醬汁好夾。
張貼
