杏甜品 (豉油街) (已結業)

【油尖旺區】【杏甜品】之前試咗佢哋尖沙咀嗰間，好好味，我之後都有再自費食。佢哋喺旺角開分店，我點會冇份出現試試佢吖，我仲叫咗兩位朋友去，一人試一樣咁就可以全面啲咁去試唔同嘅嘢吖嘛。多啲食物，大家睇起上嚟都開心啲啦係咪。呢餐嘅契機除咗旺角店開張，仲有同步推出嘅「木蓮凍系列」，標榜冷熱皆能，需要多重功夫製作，師傅經過多次試驗調整材料比例先達致滑溜口感，令佢可以好食過一般仙草。講到咁好食，係挑起到我嘅好奇心嘅，去啦。朋友試 $69 嘅「椰皇木蓮凍燉雙皮奶」，佢標榜用北海道 3.6 牛乳，所以奶香都夠，而且喺椰肉嘅襯托之下，椰味奶味勁夠，而底下嘅雙皮奶都好滑。朋友特別稱讚雙皮奶、木蓮凍同其他食材嘅比例相當好，食落係幾舒服嘅。另一位朋友就食熱食，揀咗 $42 嘅「核桃露木蓮凍」，正如佢個廣告所講，係意外地合拍。本身核桃露已經係經典糖水，配埋木蓮凍係冇違和感嘅。上菜時個溫度唔會太熱，啱啱好已經係最佳狀態可以即刻食，啱晒大忙人。壓軸係我個價值 $65 嘅「招牌杏汁波波爽冰木蓮凍」，原來配單款嘅芒果爽冰都係有四球爽冰，冇偷工減料個杏汁波波幾好，爽冰好食過全盛時期許留山。而木蓮凍就真係滑過仙草，同埋冇咗