影片
2023-01-22
61 瀏覽
🎌Omakase $1280🎌前菜刺身 三種寿司 七貫和食 二種一品料理 二種手卷味噌汁甜品🔸聽朋友介紹嚟咗呢間元朗近地鐵站嘅廚師發辦，佢晚市有三款選擇，我揀咗中價嘅$1280😋以廚師發辦嚟講價錢算親民，食落師傅係非常細心，功夫扎實，而食材又新鮮，性價比的確唔錯❤️🔸前菜係一個牛乳煮嘅腐竹，配上海膽三文魚籽；菠菜同埋秋刀魚卷。三款嘅味道口感都非常唔同，但同樣係開胃美味😋🔸刺身食咗真鯛，左口魚，同埋鯖魚👍🏻前面兩款雖然係正路嘢，但師傅用咗特別調味令到佢地呈現出比平時更昇華嘅味道❤️我係第二次食鯖魚刺身，師傅燒咗個外皮令到油香滲出，食落口係外皮半熟，入面魚生感，非常過癮😎🔸寿司每款都唔錯，個人特別鍾意縞蝦寿司，好似係第一次食縞蝦🦐產於北海道日本海，口感豐實飽滿，味道有種獨特鮮甜清爽，師傅再配上縞蝦蝦膏燒成嘅調味放係寿司上面，味道口感都係一絕😍🔸另外都覺得好深刻嘅係深海池魚寿司同和歌山大拖寿司，前者魚味真係好濃，後者天然魚油脂嘅甘香令到入口即溶，舒服😌另外仲有食到嘅款式包括咗章紅魚，帆立貝，中拖，同海膽😛都特別提一提呢度嘅海膽好啱我食，鮮香而唔會有怪味👍🏻🔸手卷好有驚喜，外表無咩特別，但入面係吞
前菜
刺身 三種
寿司 七貫
和食 二種
一品料理 二種
手卷
味噌汁
甜品
🔸聽朋友介紹嚟咗呢間元朗近地鐵站嘅廚師發辦，佢晚市有三款選擇，我揀咗中價嘅$1280😋以廚師發辦嚟講價錢算親民，食落師傅係非常細心，功夫扎實，而食材又新鮮，性價比的確唔錯❤️
🔸前菜係一個牛乳煮嘅腐竹，配上海膽三文魚籽；菠菜同埋秋刀魚卷。三款嘅味道口感都非常唔同，但同樣係開胃美味😋
🔸刺身食咗真鯛，左口魚，同埋鯖魚👍🏻前面兩款雖然係正路嘢，但師傅用咗特別調味令到佢地呈現出比平時更昇華嘅味道❤️我係第二次食鯖魚刺身，師傅燒咗個外皮令到油香滲出，食落口係外皮半熟，入面魚生感，非常過癮😎
🔸寿司每款都唔錯，個人特別鍾意縞蝦寿司，好似係第一次食縞蝦🦐產於北海道日本海，口感豐實飽滿，味道有種獨特鮮甜清爽，師傅再配上縞蝦蝦膏燒成嘅調味放係寿司上面，味道口感都係一絕😍
🔸另外都覺得好深刻嘅係深海池魚寿司同和歌山大拖寿司，前者魚味真係好濃，後者天然魚油脂嘅甘香令到入口即溶，舒服😌另外仲有食到嘅款式包括咗章紅魚，帆立貝，中拖，同海膽😛都特別提一提呢度嘅海膽好啱我食，鮮香而唔會有怪味👍🏻
🔸手卷好有驚喜，外表無咩特別，但入面係吞拿魚蓉混合海膽同三文魚籽，每一啖都好豐富好有層次😗
🔸和食同料理方面分別有一個蜆湯，柔煮八爪魚，炭燒鰻魚同埋松葉蟹。基本上四款都無咩好挑剔❤️蜆湯嘅鮮甜可以話去到極緻～而柔煮八爪魚其實係慢煮，再配上高湯蘿蔔，十分出色！
查看之前的留言 ()
張貼
