影片
更多
2024-02-03
18 瀏覽
今次食左東廣場嘅「麵屋常勝」，小店內充滿各種figure 嘅佈置，增添日本嘅氛圍。今次嗌咗兩個拉麵同幾款小食，份量都幾大，所以兩個人食都幾夠飽。🦐極上濃蝦湯叉燒拉麵（加咗明太子+溫泉蛋）呷一口濃蝦湯，湯底標磅冇味精，飲落的確唔似平時咁濃味，不過仍然飲得出蝦頭熬出嘅鮮香，因為揀咗麵質偏軟，所以食落口感較腍，不過湯頭如果較淡嘅話，下次我應該揀硬身麵條會更夾。而明太子嘅鹹香亦都為湯底添加咗層次感，叉燒口感都唔錯，唔會太過膩口。🐓人氣雞白湯叉燒拉麵雞白湯雞味濃，質地不會太濃稠，飲完不會覺得口乾，應該真是不含味精。不過都略嫌湯的份量不太夠，不能做到全碗麵一啖麵一啖湯。炸物我地總共嗌了三款小食，上桌時見到每款份量都相當大份，店家都真係相當闊綽👍🏻炸魷魚鬚呢個係最好食，炸魷魚好大條，食落口感煙韌，好食！炸蠔炸粉唔厚，生蠔都幾大粒，不錯！炸雞軟骨份量都好有誠意，配埋沙律醬就冇咁膩。整個晚餐份量都頗大，如果胃口比較小嘅建議可以叫少麵，就可以試更多小食了～
今次嗌咗兩個拉麵同幾款小食，份量都幾大，所以兩個人食都幾夠飽。🦐極上濃蝦湯叉燒拉麵（加咗明太子+溫泉蛋）
呷一口濃蝦湯，湯底標磅冇味精，飲落的確唔似平時咁濃味，不過仍然飲得出蝦頭熬出嘅鮮香，因為揀咗麵質偏軟，所以食落口感較腍，不過湯頭如果較淡嘅話，下次我應該揀硬身麵條會更夾。而明太子嘅鹹香亦都為湯底添加咗層次感，叉燒口感都唔錯，唔會太過膩口。
🐓人氣雞白湯叉燒拉麵雞白湯雞味濃，質地不會太濃稠，飲完不會覺得口乾，應該真是不含味精。不過都略嫌湯的份量不太夠，不能做到全碗麵一啖麵一啖湯。
炸物
我地總共嗌了三款小食，上桌時見到每款份量都相當大份，店家都真係相當闊綽👍🏻
炸魷魚鬚
呢個係最好食，炸魷魚好大條，食落口感煙韌，好食！
炸蠔
炸粉唔厚，生蠔都幾大粒，不錯！
炸雞軟骨
份量都好有誠意，配埋沙律醬就冇咁膩。
整個晚餐份量都頗大，如果胃口比較小嘅建議可以叫少麵，就可以試更多小食了～
張貼
