影片
更多
2023-06-16
74 瀏覽
一直都聽過Burger Joys呢個大名，位於灣仔酒吧街駱克道，方便就腳。漢堡包店主打美式漢堡，呢度大有來頭，曾經被國際旅遊網站Big 7 Travel評為「全球50間最佳漢堡店」之一，漢堡用上美國高品質食材，全因老闆對食材相當有要求，店舖行美式風格裝修，酒吧格局，幾有熱鬧嘅氣氛，吸引咗唔少外國客人光顧，呢度除咗有漢堡包、薯條、汽水同埋奶昔之外，仲有啤酒提供，勁適合同朋友happy Hour 去。Cheese Burger 芝士牛肉漢堡漢堡用上美國安格斯USDA認證嘅牛肉，牛肉味濃，肉汁豐富，油脂比例啱啱好，牛肉用咗牛油同埋紅酒去烹煮，味道層次豐富，而漢堡邊位有煎香過，食落有脆邊。漢堡非常足料，加上咗配料蕃茄、酸瓜、生菜同埋洋蔥，食落唔油膩，麵包用咗由米芝蓮得獎主廚Michael Gillet提供嘅配方製作而成嘅brioche，麵包帶金黃色，包好厚身，食落口感鬆軟而且帶有牛油香。Regular Fries 薯條任何單點漢堡包都可以加錢轉Combo套餐，包一杯汽水/啤酒同埋一份薯條/薯圈，飲品可以加錢update奶昔，薯條亦可以再加錢upgrade唔同口味。今次揀咗嘅薯條即叫即炸，上枱熱
一直都聽過Burger Joys呢個大名，位於灣仔酒吧街駱克道，方便就腳。漢堡包店主打美式漢堡，呢度大有來頭，曾經被國際旅遊網站Big 7 Travel評為「全球50間最佳漢堡店」之一，漢堡用上美國高品質食材，全因老闆對食材相當有要求，店舖行美式風格裝修，酒吧格局，幾有熱鬧嘅氣氛，吸引咗唔少外國客人光顧，呢度除咗有漢堡包、薯條、汽水同埋奶昔之外，仲有啤酒提供，勁適合同朋友happy Hour 去。
Cheese Burger 芝士牛肉漢堡
漢堡用上美國安格斯USDA認證嘅牛肉，牛肉味濃，肉汁豐富，油脂比例啱啱好，牛肉用咗牛油同埋紅酒去烹煮，味道層次豐富，而漢堡邊位有煎香過，食落有脆邊。漢堡非常足料，加上咗配料蕃茄、酸瓜、生菜同埋洋蔥，食落唔油膩，麵包用咗由米芝蓮得獎主廚Michael Gillet提供嘅配方製作而成嘅brioche，麵包帶金黃色，包好厚身，食落口感鬆軟而且帶有牛油香。
Regular Fries 薯條
任何單點漢堡包都可以加錢轉Combo套餐，包一杯汽水/啤酒同埋一份薯條/薯圈，飲品可以加錢update奶昔，薯條亦可以再加錢upgrade唔同口味。今次揀咗嘅薯條即叫即炸，上枱熱辣辣，薯條係幼身嘅，口感香脆。
Battered Onion Rings 洋蔥圈
洋蔥圈炸至熱辣辣，外表色澤金黄，好搶眼。外皮炸至口感酥脆，內裡洋蔥鮮甜，沾上茄汁同埋芥末醬嚟食唔錯。
1/2 Pint Beer 啤酒
芝士牛肉漢堡好juicy，加埋薯條洋蔥圈等小食酥脆可口，用嚟送透心涼嘅啤酒一流。
張貼
