棽粵 (裝修中)

前排做冬同屋企人去左呢間高質粤菜食晚飯，餐廳由米芝蓮星級大廚主理👨🏻‍🍳餐廳裝潢非常高級有氣派，坐擁270度維港景色，仲設有5間獨立房間、露台茶座配合各類型聚餐！今次我地點左秋冬必食菜單，包括 古法羊腩煲、太史菊花五蛇羹、紅燒花錦鱔、秋節生炒臘味糯米飯。🔸古法羊腩煲 $1470羊腩經過長時間慢燉烹調，肉質非常軟腍，入口即化😋 加埋生菜🥬吸晒湯底嘅精華，好正！🔸太史菊花五蛇羹 $680/1盅蛇羹一定要夠熱先好食，喺上菜前職員會每一盅用Gas爐加熱至滾先再上👍🏼蛇羹超足料，仲配上三款配料，冬天食完暖笠笠😋🔸紅燒花錦鱔 $2000有「鱔中之王」之稱嘅花錦鱔，肉質非常嫩滑鮮甜，含有超豐富嘅蛋白質😍🔸 秋節生炒臘味糯米飯 $380糯米飯非常煙靭，臘味炒得好香，食落非常有口感同層次！呢間高質中菜真係好適合一家人、一班朋友嚟食，而且有得包房，私隱度高，大家不仿試下。