The Sky Bar

營業中

休息中

今日去咗旺角一間叫「The Sky Bar」嘅餐廳食晚餐，餐廳位於朗豪坊頂層，環境幾有情調，啱晒同朋友或情人食飯同飲酒。而家餐廳做緊推廣優惠，逢星期一、三、四可以用每人$228嘅價錢任飲任食120分鐘，任飲包括紅酒、白酒、cocktail、mocktail、果汁、汽水等，任食包括炸薯條、烤雞肉腸、脆炸魷魚圈、香辣雞翼、脆炸洋蔥，啱晒一班人一邊飲酒、一邊食小食、一邊傾偈！🍊 龍蝦芒果紅菜頭蟹肉塔配青蘋果醬呢個前菜非常開胃，配搭亦都好新奇，蝦肉嘅份量比想像中多，除咗有細碎嘅蟹肉之外，仲有好大片嘅龍蝦肉，然後用咗芒果片同紅菜頭片做疊層，成個味道同口感層次好豐富，有芒果嘅甜味、紅菜頭嘅酸味、龍蝦肉蟹肉嘅鮮味同青蘋果醬嘅味，賣相壓好吸引🍊 海鮮三重奏烤大蝦唔會燒得太乾身，肉質爽口彈牙；鱈魚嘅魚皮煎到香脆，魚肉嫩滑，食落充滿魚嘅油脂而無乜雪藏味；帶子亦都係好大隻，味道鮮甜，口感爽同彈牙🍊 烤龍蝦海鮮手捲意大利麵意粉配咗半隻烤龍蝦，龍蝦個殼好容易同肉分離，方便食用，蝦肉彈牙，龍蝦汁味道濃郁，用咗蝦膏去調製，配埋卷意粉一齊食好入味📍旺角亞皆老街8號朗豪坊13樓1號舖位置就腳：🍊🍊🍊🍊🍊餐廳環境：🍊🍊🍊