令和鍋物酒場

營業中

休息中

今日去咗旺角一間叫「令和鍋物酒場」嘅居酒屋食晚餐，餐廳環境充滿日式風格，由門面到餐廳內部都貼滿清酒嘅酒樽貼紙，播住懷舊嘅日文歌曲，感覺好似置身日本嘅居酒屋一樣。今日食咗個好抵嘅令和二人套餐，只需$428就食到二人份量嘅前菜、壽喜燒鍋、和牛、日式小食！🍊富士山火焰脆脆薯仔沙律薯仔沙律口感綿滑，帶有日式沙律醬同牛油嘅味道，造型堆砌到成個富士山咁嘅形狀，中間夾雜着薯片做嘅脆脆，提升咗成個沙律嘅口感同賣相🍊三品刺身盛合刺身有三文魚、帆立貝同油甘魚，刺身用料新鮮，味道鮮甜🍊鹿兒島A4肩胛和牛海膽反卷呢個卷物嘅配搭好特別，外面用一層薄切嘅鹿兒島A4肩胛和牛包住壽司飯，入面有青瓜同蘿蔔等爽口嘅材料，上面放咗口感綿滑嘅海膽同吞拿魚蓉，令到成個卷物口感層次豐富🍊芝麻雞翼傳統嘅芝麻炸雞翼，雞皮脆口而雞肉嫩滑多汁，加上芝麻去炸帶有日本風味，食得出芝麻嘅香味🍊壽喜燒鍋配野菜豆腐籃帶有甜味嘅壽喜鍋湯底，用嚟煮日式蔬菜一流，可以吸收晒濃味嘅湯汁🍊A4肩胛和牛A4肩胛肉和牛係薄切，油脂分布平均，輕輕喺壽喜燒湯底入面煮一陣，再加埋日本生雞蛋，口感嫩滑，牛肉味道濃郁，油脂感重，入口即溶🍊燒芝士年糕芝士年糕口感非常特別，