牛魔一人燒肉

營業中

休息中

今日同朋友趕住睇戲前食個快飯，嚟到旺角呢間主打一人燒肉嘅「牛魔の燒肉」。餐廳光猛闊落，有面壁位俾獨食客，亦有雙人燒烤枱，座位安排夠晒彈性！ 🥩 牛魔二人激安之選套餐澳洲M9肉眼牛扒：油脂分布靚到似雪花，燒到五成熟入口即化，牛味濃到癲！ 醬油鳥批肉：雞皮燒到脆卜卜，肉質嫩滑仲帶微微醬油甜香，雙重口感超正～ 海蝦+豚肉片：蝦肉爽彈，豚肉薄切易熟，啱晒趕時間嘅我哋！ 手撕純蟹粉蟹黃蘭王拌烏冬烏冬上面鋪滿橙紅色蟹粉，仲有隻蘭王蛋黃騎住，一篤穿蛋黃撈勻，蟹黃嘅鮮甜同蛋香濃郁到震！蟹粉都完全冇腥味，每條烏冬都掛滿醬汁，加埋蛋黃嘅綿滑，邪惡度爆燈！ 牛魔蘭王鵝肝炒飯飯粒炒到金黃色，鵝肝粒煎到外脆內溶，撈埋蛋黃食，油香+蛋香+鵝肝香三重夾擊！ 餐廳都上菜快+爐火猛，45分鐘完成燒肉+主食。人均$200有找，性價比高過好多放題。食物質素對得住價錢，尤其係M9牛同蟹粉烏冬。