肯尼海鮮 (已搬遷) 新店位置

鐘意食刺身同壽司🍱，預早一天訂肯尼海鮮🛒，明天就送到屋企。刺身壽司包好放入冰袋儲存，入面放多幾包乾冰，保持新鮮❄️輕鬆在家享受美食壽司到會Set J (35貫) 🍱，份量足夠2-3人食，有7 款壽司 x 每款 5 件😋。鰻魚壽司、赤蝦壽司、油甘魚壽司、白松露三文魚壽司、帶子壽司、白之戀壽司、花之戀壽司。特別喜歡白花之戀捲著吞拿魚肉，味道豐腴。三文魚肥美，以白松露點綴，好鮮美。帶子、赤蝦都好新鮮甘甜！豐洲市場直送 拼盤 F，好多款刺身，新鮮又肥美，有藍鰭吞拿魚中トロ 中拖羅、藍鰭吞拿魚 赤刺身、池魚王刺身、三文魚刺身、帶子刺身、阿根廷赤蝦、明太子！藍鰭吞拿魚刺身油脂豐富而且鮮味十足。阿根廷赤蝦彈牙爽口。肯尼海鮮小食都好吸引，有麻辣小食同酒醉小食，用玻璃樽裝好。麻辣豬手🐷夠香辣，豬手煙韌，勁夾麻辣味，送啤酒更佳😋！酒醉雞中翼🐥，雞肉香嫩帶酒香味，加入杞子更好味。