金寶冰廳 (已結業)

最開心就係搵好嘢食，搵咗好多，放係想吃嘅list內，到真係達陣去到係開心嘅，無論個餐飯係好定唔好。本來都無諗住再食啲咩，bookmark呢間只因想飲奶茶。除咗咖啡，其實我都好鍾意奶茶，呢個係港式嘅味道，要戒都有啲難度。肚真係無辦法再食嘢，但一杯奶茶還可以。奶茶，16元，夠哂滑，茶夠香，飲落係舒服，熱度都剛剛好，難怪咁多人話奶茶係唔錯。疫情都做足，有哂啲罩隔離。雖然係平日下午，但都幾乎每個位都有人，無辦法影到餐廳嘅座位同環境嘅。門口伯伯大概係店主吧，隔住口罩都感受到佢嘅笑容，佢叫我入黎，我就入左黎啦，幾時都話服務態度都係好重要。