반찬앤쿡 Banchan and Cook (屯門市廣場1期) (已結業)

Banchan & Cook以韓式裝潢而且座位附近鋪滿花，令人感覺好chill!🍣傳統紫菜包飯 韓式壽司，紫菜包裹住牛肉絲、蛋🥚、紅蘿蔔🥕、青瓜🥒、醃蘿蔔，食落酸酸甜甜又爽脆，好開胃🍗無骨蜜糖炸雞 炸雞外皮金黃又脆卜卜，配搭年糕同埋薯條，好豐富。每件炸雞都沾滿香甜嘅蜜糖醬汁；年糕口感煙韌，薯條粗身又好脆。🥘燉牛肋骨蛋包飯上枱時聞到香噴噴嘅牛肋骨，牛肉軟腍，配搭濃郁嘅醬汁，香甜嘅白蘿蔔、紅蘿蔔同蘆筍，好惹味。蛋滑啫啫，切開流出蛋漿，配搭白飯一流。🍰黑芝麻提拉米蘇黑芝麻味道嘅tiramisu，黑芝麻好香，蛋糕口感好creamy，甜度剛好。🍸青檸梳打青檸梳打口感好清甜，梳打好夠氣，感覺好fresh。🍹熱蜜桃茶 好香嘅果味，令人好提神。