影片
更多
2019-05-21
973 瀏覽
想搵一間位於鬧市，食物質素又好嘅法國餐廳，真係一啲都唔容易，今日慶祝周年紀念，點都要搵一間有情調，又好食嘅，結果上OpenRice搵到呢間法國小店地點位於廣東道Apple shop隔離嘅商業大廈，好易搵。餐廳有八個course同九個course兩種選擇，要慶祝梗係食好啲，揀九個course嘅豪一次喇Amuse Bouche呢個係第一道菜，有一杯青蘋果蜜瓜冷湯，青蘋果打成泡沫，香，味，俱全。飲晒泡沫之後，就會飲到蜜瓜湯，清涼之餘好鮮甜，令人胃口大開。仲有嘅係火腿脆片，入口卜卜脆，口感獨特，鹹香感豐富Homemade Bread and Dip有唔同種類嘅麵包，有意包，亦有法包，配上特色嘅醬料，同埋海鹽牛油，香氣獨特。另外仲有香脆嘅麵包條，食落有一陣香蔥嘅味道。火腿拼盤侍應好細心咁分享食火腿嘅心得，從淺色入手，食到深色，確保你嘅味蕾發揮最大功效，食出真味道。火腿一共有三種，分別係Prosciutto de Parma, Coppacollo, Moradella。伴碟重有提子乾同埋黑醋汁，酸酸甜甜激發出火腿嘅鹹香。White Asparagus呢道前菜好有仙氣，噴著煙咁上枱，藝術感十足。柚
地點位於廣東道Apple shop隔離嘅商業大廈，好易搵。餐廳有八個course同九個course兩種選擇，要慶祝梗係食好啲，揀九個course嘅豪一次喇
Amuse Bouche
呢個係第一道菜，有一杯青蘋果蜜瓜冷湯，青蘋果打成泡沫，香，味，俱全。飲晒泡沫之後，就會飲到蜜瓜湯，清涼之餘好鮮甜，令人胃口大開。仲有嘅係火腿脆片，入口卜卜脆，口感獨特，鹹香感豐富
Homemade Bread and Dip
有唔同種類嘅麵包，有意包，亦有法包，配上特色嘅醬料，同埋海鹽牛油，香氣獨特。另外仲有香脆嘅麵包條，食落有一陣香蔥嘅味道。
火腿拼盤
侍應好細心咁分享食火腿嘅心得，從淺色入手，食到深色，確保你嘅味蕾發揮最大功效，食出真味道。火腿一共有三種，分別係Prosciutto de Parma, Coppacollo, Moradella。伴碟重有提子乾同埋黑醋汁，酸酸甜甜激發出火腿嘅鹹香。
White Asparagus
呢道前菜好有仙氣，噴著煙咁上枱，藝術感十足。柚子果凍配上青葡萄，味道酸甜，加埋爽脆嘅白蘆筍同帶少少鹹味道嘅海藻，絕對係味覺視覺上嘅多重享受
話明藝術，連擺碟都一絲不苟，幾塊可食用嘅花瓣，加添優雅
Scallop Ceviche
呢個接骨木花風味漬帶子，配上紅藜麥飛魚卵，本來以為紅藜麥係伴碟，結果搶去帶子不少風頭。飛魚卵同紅藜麥都好有咬口，濃郁嘅飛魚卵配上清新嘅紅藜麥，絕對係絕配。帶子有光澤，入口鮮甜
Lobster Bisque
未加湯之前，會有咸火腿餃子，龍蝦慕絲，同埋茴香薄脆做配料。
其後會加入龍蝦夾湯，龍蝦湯以龍蝦殼及龍蝦肉精煮而成，湯底較杰，可想而知味道是多麼的濃郁。
Foie Gras
呢道菜亦都係另一個精緻之作，先將鵝肝兩邊煎香，切開之後，中間嘅鵝肝仍然保持鮮嫩，回甘味十足，入口即用感覺強烈。溫泉鵪鶉蛋配上韭菜花，以佐白豆蔻打成泡沫，再配以幾粒爆香左嘅糙米，比精細更精細嘅傑作
Truffle Arancini
以野菌配上流心水牛芝士，再加上黑松露，未食都已經感受到個香氣。
好精緻嘅一個球狀，外層焗得香脆，裏面嘅嘢菌同芝士，卻帶着柔柔嘅口感，芝士帶著小小嘅鹹味，將幽幽的野菌味道昇華
Sorbet
食主菜之前，先來一個雪葩，清一清口腔的氣味
雪葩以紅番石榴製成，口感幼滑，淡淡清香，上面鋪滿以紅石榴打出泡沫，像霧一般卻鎖著紅石榴的精華
Australia M7 Wagyu Beef
澳洲嘅和牛，肉質咬落去會較有口感，牛味濃郁，配以炭火燒香外層，鎖死肉汁之餘更聞到陣陣焦香，係和牛食法嘅最高境界。
Orange Meskouta
食咗咁多道菜，終於到咗甜品了，呢個係橙香蛋糕，外層係以雲呢拿打成嘅忌廉，忌廉中間隱藏着甜酒雪糕，切開蛋糕之後，會流出絲絲嘅橙汁，唔好睇小忌廉上面嘅橙皮，簡單一兩條，卻帶動左整體提香嘅效果。
Petit Four
食過甜品之後，最後會送來五款嘅朱古力，比大家甜甜蜜蜜地爲呢個晚餐畫上完美句號
薰衣草茶
咬一口朱古力，呷一啖薰衣草茶，將呢餐變成美好回憶
侍應會為你細心介紹每碟菜
柔和嘅燈光配上輕鬆嘅音樂，可以好好享受
餐牌
張貼
