影片
更多
2017-03-23
1031 瀏覽
雖然並不是跑車迷，但相信有不少人路過時都會像我被這半邊紅色跑車外牆吸引而去探個究竟!!半邊紅色跑車裝於牆上認真玩味十足!! 真係忍唔住要影多兩張相呃下 Like 先!老闆原來是個不折不扣既車迷，尤其對跑車特別熱衷，所以順理成章開了這間以跑車做主題餐廳。餐廳外既靚車都係作為招徠既秘密武器，成功吸引不少途人既目光！而餐廳後除了有車場放置老闆心頭好之外，更提供免費泊車，方便遠道而來既駕車客人，非常貼心！黃灰色斑馬線特色主題牆亦相當吸睛，與跑車主題互相呼應！嘩～原來餐廳所有座位都係真皮賽車椅黎架!! 真係型格十足! 由裝潢到擺設全部都以跑車做主題!呔呤枱呀 !!! 特別以透明玻璃讓客人更易欣賞到呔呤既設計，非常有心思！門口收銀位置有個軚盤，原來係方便客人按響按埋單，好有趣呀！埋單記得俾貼士啊！牆上有個剎車碟喎，望真ｄ原來係掛牆鐘黎架！車全部都係車！交通燈都非常搶鏡!當然唔少得多款跑車模型既珍藏!爭d走漏眼，原來頭頂有盞車軚造型既燈飾，車軚燈飾兩邊仲特別加上黑色，模仿「平滑路上摩擦、摩擦」痕跡 !仲有呢個汽車部件既開關制，真係少d眼力都睇唔到佢地!炸魚薯條 $98餐廳以歐美菜式為主，其中推介既係
雖然並不是跑車迷，但相信有不少人路過時都會像我被這半邊紅色跑車外牆吸引而去探個究竟!!
半邊紅色跑車裝於牆上認真玩味十足!! 真係忍唔住要影多兩張相呃下 Like 先!
老闆原來是個不折不扣既車迷，尤其對跑車特別熱衷，所以順理成章開了這間以跑車做主題餐廳。
餐廳外既靚車都係作為招徠既秘密武器，成功吸引不少途人既目光！而餐廳後除了有車場放置老闆心頭好之外，更提供免費泊車，方便遠道而來既駕車客人，非常貼心！
黃灰色斑馬線特色主題牆亦相當吸睛，與跑車主題互相呼應！
嘩～原來餐廳所有座位都係真皮賽車椅黎架!! 真係型格十足! 由裝潢到擺設全部都以跑車做主題!
呔呤枱呀 !!! 特別以透明玻璃讓客人更易欣賞到呔呤既設計，非常有心思！
門口收銀位置有個軚盤，原來係方便客人按響按埋單，好有趣呀！
埋單記得俾貼士啊！
牆上有個剎車碟喎，望真ｄ原來係掛牆鐘黎架！
車全部都係車！
交通燈都非常搶鏡!
當然唔少得多款跑車模型既珍藏!
爭d走漏眼，原來頭頂有盞車軚造型既燈飾，車軚燈飾兩邊仲特別加上黑色，模仿「平滑路上摩擦、摩擦」痕跡 !
仲有呢個汽車部件既開關制，真係少d眼力都睇唔到佢地!
炸魚薯條 $98餐廳以歐美菜式為主，其中推介既係炸魚薯條。
金黃色炸魚柳外皮香脆可口，而且厚厚的魚柳外食落啖啖肉，超滿足!! 配上自家製他他醬不但可去除油膩感，食落更加滋味! 另外粗身薯條炸得酥脆，仲有陣陣牛油味！必食 !!
和風鰻魚薄餅 $88 鰻魚餡料足料，而且與薄餅味道匹配! 薄餅底部亦焗得鬆脆可口，值得一試!
燒牛肋骨 $158份量十足，賣相相當有氣勢!! 足兩磅重的燒牛肋骨，用上美國 Prime Grade 穀飼牛，而且已切好一片片並去骨，食落啖啖肉!!
肉質有趙勁而且牛味甚濃，牛脂味充滿口腔! 而且超級大碟，真係相當抵食~ 推介必試 !!
法拉利草莓乳酸 $38 (左)│ 麥拿倫朱古力特飲 $38 (右)兩杯飲品以車作為主題，味道偏甜較普通。
總括味道同服務都有質素，而且環境清幽，絕對可放鬆心情! 飯後可到附近屏山文物徑參觀都不錯吖!
張貼
