影片
更多
2024-05-26
553 瀏覽
工作左成個禮拜咁辛苦，週末梗係要搵個地方放鬆吓朋友就介紹呢間 。平時嚟尖沙咀都會經過,以為佢只係一間睇波嘅酒吧，不過原來樓上別有洞天。環境夠靚之餘，仲有live Band聽！ （小編唔記得啲嘢食嘅價錢，以下價錢係喺op 睇人啲圖搵返嚟，唔updated 請告知🙇🏻）【飲品】其實呢度本身有唔少特色嘅調酒，不過因為小編陣間要揸巴士，所以唔方便飲酒精飲品。➡️香奈小姐 $78Mango Puree | Lime Juice | Yogurt | Taiwan Oolong而家嘅主要係酸酸甜甜嘅味道，主要係芒果味，好有熱帶風情，茶味唔算重，都係幾開胃嘅一個飲品。味道：7.5/10➡️乜春 $78Cranberry juice| Rose syrup | Dash df Lychee juice | Lime Cardinal | Lime Juice呢個嘅味道比較女仔，味道上會比較酸同飲唔到玫瑰嘅香味。小編都幾鍾意呢杯，有過果香有花香。味道：8/10 【食物】➡️ 63度溫泉蛋八瓜魚冰菜沙律 呢個都算係今日嘅MVP，冰菜嘅沙律非常少見，但原來做沙律真係幾好食，特別清新爽脆。另外仲會答會慢煮八爪魚經
工作左成個禮拜咁辛苦，週末梗係要搵個地方放鬆吓朋友就介紹呢間 。平時嚟尖沙咀都會經過,以為佢只係一間睇波嘅酒吧，不過原來樓上別有洞天。環境夠靚之餘，仲有live Band聽！
（小編唔記得啲嘢食嘅價錢，以下價錢係喺op 睇人啲圖搵返嚟，唔updated 請告知🙇🏻）
【飲品】
其實呢度本身有唔少特色嘅調酒，不過因為小編陣間要揸巴士，所以唔方便飲酒精飲品。
➡️香奈小姐 $78
Mango Puree | Lime Juice | Yogurt | Taiwan Oolong
而家嘅主要係酸酸甜甜嘅味道，主要係芒果味，好有熱帶風情，茶味唔算重，都係幾開胃嘅一個飲品。
味道：7.5/10
➡️乜春 $78
Cranberry juice| Rose syrup | Dash df Lychee juice | Lime Cardinal | Lime Juice
呢個嘅味道比較女仔，味道上會比較酸同飲唔到玫瑰嘅香味。小編都幾鍾意呢杯，有過果香有花香。
味道：8/10
【食物】
➡️ 63度溫泉蛋八瓜魚冰菜沙律
呢個都算係今日嘅MVP，冰菜嘅沙律非常少見，但原來做沙律真係幾好食，特別清新爽脆。另外仲會答會慢煮八爪魚經過慢煮嘅八爪魚完全唔會過韌，加埋車厘茄同提子味道 ，以日式胡麻汁同溫泉蛋做dressing，非常開胃。
唔怪得店員話自從推出咗呢個沙律，其他沙律基本上冇乜人叫。🤣🤣🤣
味道：9/10
➡️ 巴塞隆拿脆薯粒配流心蛋及辣肉腸粒伴36個月橡果飼黑毛豬火腿$138
呢個非常之適合送酒，佢係大量芝士焗製嘅薯粒同Ham，再配上溫泉蛋。薯仔老老實實冇乜特別，但配埋佢嗰啲ham就非常好食，因為佢嘅火腿除咗有足夠油香之外，仲食到隱隱約約嘅橡果香，加埋芝士同蛋汁，非常邪惡。
味道：8.3/10
➡️ 北海道珍寶帶子XO汁扁意粉 $228
佢嘅意粉係蒜油做底，然後加咗唔少嘅XO醬煮成。味道非常惹味，意粉嘅軟硬度適中。北海道帶子非常軟嫩，係特別又好食嘅意粉。
味道：8.6/10
➡️ 香烤招牌黃油雞$288
➡️ ＋原鍋燒黃油雞飯＋$78
據店員所講，呢個係佢哋嘅招牌之一。燒好嘅黃油雞會喺客人面前用火槍再燒一次，確保個外皮脆卜卜，同時亦會將一啲RoseMary嘅味道燻入去。
黃油雞嘅外皮確實薄脆，唔會有多餘嘅油分，肉質唔算嫩滑，畢竟始終係燒雞，但亦唔係乾柴。油飯嘅味道非常香口，滿滿嘅雞油香，而且非常大份。不過因為係最尾嘅一道菜，小編飽飽地，所以會覺得有少少膩🤧🤣，建議可以多啲人share，但味道、視覺上可以明白點解佢係招牌。
味道：8.2/10
服務：9/10
環境：8.6/10
抵食：8/10
人均：六百幾
你話佢係咪好抵食又唔算係，但計埋佢嘅食物質素同埋環境服務，仲有Live Band 聽，個人覺得收費算係合理。
張貼
