影片
更多
2023-04-28
165 瀏覽
唔好眼大大睇錯咗，他們是在半島中心地下，唔係半島酒店地下（我第一眼就睇錯咗🙈🙈好彩同行人士提醒咗我）而且他們的入口不在商場入面，我哋都兜咗一個大圈先去到唔好睇佢個Menu以為好少嘢食，其實有隱藏Menu，需要問職員先知今日有咩隱藏Menu雞肉鑊氣炒河 Stir-fried chicken flat noodle $98推薦指數🗯️：🌟🌟🌟🌟佢炒得好香好惹味，而且每一條河粉都吸晒啲醬汁，食落有少少煙靭，唔會太過淋身，而且我平時唔係好鍾意食芥蘭，但係佢咁樣炒埋一齊再配上旁邊的辣醬，我不自覺就食咗好多芥蘭，不過唔係好食辣嘅朋友記得唔好點太多，因為真係有啲辣🥵泰式香煎帶子 Thai-style pan-seared scallops $128 推薦指數🗯️：🌟🌟🌟🌟雖然128先得4粒係有啲心痛錢包，但是食完又覺得貴有貴嘅道理，首先佢用嘅係可以刺身級嘅帶子，食落好落牙爽口；雖然原本帶子的味道偏淡身，但配上佢哋餐廳特別調製嘅泰式辣醬一齊就更加惹味魚露豬頸肉 Deep-fried pork neck $88推薦指數🗯️：🌟🌟🌟🌟🌟其中一個隱藏Menu，超級好食！強力建議老闆放佢入Menu，要令每一個嚟餐廳
唔好睇佢個Menu以為好少嘢食，其實有隱藏Menu，需要問職員先知今日有咩隱藏Menu
雞肉鑊氣炒河 Stir-fried chicken flat noodle $98
推薦指數🗯️：🌟🌟🌟🌟
佢炒得好香好惹味，而且每一條河粉都吸晒啲醬汁，食落有少少煙靭，唔會太過淋身，而且我平時唔係好鍾意食芥蘭，但係佢咁樣炒埋一齊再配上旁邊的辣醬，我不自覺就食咗好多芥蘭，不過唔係好食辣嘅朋友記得唔好點太多，因為真係有啲辣🥵
泰式香煎帶子 Thai-style pan-seared scallops $128 推薦指數🗯️：🌟🌟🌟🌟
雖然128先得4粒係有啲心痛錢包，但是食完又覺得貴有貴嘅道理，首先佢用嘅係可以刺身級嘅帶子，食落好落牙爽口；雖然原本帶子的味道偏淡身，但配上佢哋餐廳特別調製嘅泰式辣醬一齊就更加惹味
魚露豬頸肉 Deep-fried pork neck $88
推薦指數🗯️：🌟🌟🌟🌟🌟
其中一個隱藏Menu，超級好食！強力建議老闆放佢入Menu，要令每一個嚟餐廳嘅人都試吓！雖然佢外表炸到有少少似豬油渣，但係你食落就知外層炸到好酥脆，但內裡都唔會好乾身，而且加上魚露嘅味道又好特別，令人食到停唔到口（不過唔鍾意食魚露或者腐乳這些味道的人可能會接受不到這個味道）
招牌泰式沾麵 Thai dipped noodle $108
推薦指數🗯️：🌟🌟🌟
老闆一開始就已經講明，如果唔係好食得辣嘅就唔好叫依個，因為真係好辣（大約三哥三小辣左右）同埋佢有兩種咖喱可以選擇，分別係紅咖喱和青咖喱（紅咖喱會再辣少少）我哋今次就叫咗個紅咖喱，然後入面會有魚蛋和豬紅；平時食咖喱都唔會有豬紅，估唔到豬紅配咖喱，其實都幾好食，魚蛋應該係佢哋自己親手整（因為食到有魚骨🙊）不過配咖哩就真係一絕
沾麵質感我就一般，雖然分成四份方便食用，但我覺得太過淋身，個人不太喜歡
芒果熱情果沙冰 Mango passion fruit slushies $55
推薦指數🗯️：🌟🌟🌟🌟
飲落酸酸甜甜好開胃，而且睇住佢用新鮮芒果整，飲多咗都唔會覺得太甜，整體感覺好清爽，好適合食完辣嘢之後飲一啖清一清味蕾
龍眼冰 Longan $35 推薦指數🗯️：🌟🌟🌟
我本人就一般般龍眼冰（基本上都唔會飲）但係同行人士又幾鍾意飲，佢話依杯都唔錯，食辣野配埋一齊食都唔錯，而且仲可以潤喉😂😂
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒
張貼
