影片
更多
2023-04-07
567 瀏覽
生活就是需要一點儀式感♡早幾日帶咗媽咪嚟呢間 Fine dining餐廳享用6 course menu～ 餐廳嘅裝修以低調奢華嘅現代風格為主, 填上幾分暗黃燈光, 提供舒適嘅氛圍, 好適合情侶到訪, 在特別日子裡帶來難忘嘅味覺體驗, 絕對係浪漫情調嘅高水準之選💗 由曾任酒店嘅資深大廚主理👨🏻🍳, 選用意大利🇮🇹同法國🇫🇷嘅高級食材, 有6 course 同9 course menu 供選擇, 擺盤相當精緻, 而且食物質素非常高👍🏻 店員服務周到, 細心款待, 會仔細地介紹每一道菜式嘅食材, 所有菜式都花盡心思製作, 展現出廚師精湛廚藝, 整個用餐體驗充滿驚喜☺️🥖餐前小吃 - 自家製麵包自家製麵包有芝士脆片、法包及香草蕃茄包, 配上自家製杏脯牛油🧈。我最鍾意係香草蕃茄包, 好香又軟熟, 搽上杏脯牛油後, 加添一點果香同牛油香氣𓌉◯𓇋⸝⸝ 九洲鰤魚配閃光鱘魚子｜柑橘酸奶油聖女果｜黑皮雞樅菌｜胡瓜油醋汁鰤魚非常鮮美, 搭配鱘魚子同柑橘酸奶油聖女果, 味道好特別, 胡瓜油醋汁帶來清爽嘅口感𓌉◯𓇋⸝⸝ 吞拿魚馬卡龍｜夏威夷汁｜黑魚子酸忌廉汁｜香草沙律馬卡龍口感鬆脆, 底下嘅吞拿魚味道鮮甜, 以
早幾日帶咗媽咪嚟呢間 Fine dining餐廳享用6 course menu～ 餐廳嘅裝修以低調奢華嘅現代風格為主, 填上幾分暗黃燈光, 提供舒適嘅氛圍, 好適合情侶到訪, 在特別日子裡帶來難忘嘅味覺體驗, 絕對係浪漫情調嘅高水準之選💗
由曾任酒店嘅資深大廚主理👨🏻🍳, 選用意大利🇮🇹同法國🇫🇷嘅高級食材, 有6 course 同9 course menu 供選擇, 擺盤相當精緻, 而且食物質素非常高👍🏻
店員服務周到, 細心款待, 會仔細地介紹每一道菜式嘅食材, 所有菜式都花盡心思製作, 展現出廚師精湛廚藝, 整個用餐體驗充滿驚喜☺️
🥖餐前小吃 - 自家製麵包
自家製麵包有芝士脆片、法包及香草蕃茄包, 配上自家製杏脯牛油🧈。我最鍾意係香草蕃茄包, 好香又軟熟, 搽上杏脯牛油後, 加添一點果香同牛油香氣
𓌉◯𓇋⸝⸝ 九洲鰤魚配閃光鱘魚子｜柑橘酸奶油聖女果｜黑皮雞樅菌｜胡瓜油醋汁
鰤魚非常鮮美, 搭配鱘魚子同柑橘酸奶油聖女果, 味道好特別, 胡瓜油醋汁帶來清爽嘅口感
𓌉◯𓇋⸝⸝ 吞拿魚馬卡龍｜夏威夷汁｜黑魚子酸忌廉汁｜香草沙律
馬卡龍口感鬆脆, 底下嘅吞拿魚味道鮮甜, 以黑魚子酸忌廉汁調味, 簡單地把胃口打開
𓌉◯𓇋⸝⸝ 牛肚菌忌廉湯｜羊肚菌清湯
店員建議先飲羊肚菌清湯, 品嚐羊肚菌嘅鮮味, 之後再將清湯倒入牛肚菌忌廉湯, 亦可以將隨碟嘅杏黃菌、黑皮雞樅菌加入湯中, 令忌廉湯味道更加濃郁, 每一啖都好creamy, 黑松露味好濃, 味道層次豐富～
𓌉◯𓇋⸝⸝ 蒸龍蝦燒賣｜鱘魚子醬｜小龍蝦龍蒿泡沫｜墨魚汁
融合東方元素, 係中西合壁嘅一道菜式, 賣相好靚！碟上嘅花紋係廚師用墨魚汁畫, 超有心思的💓
以龍蝦肉製作燒賣, 加上高級鱘魚子醬及金箔作點綴✨, 係我食過最矜貴嘅燒賣！龍蝦味道香濃, 質感彈牙, 鹹鮮鱘魚子醬帶出龍蝦鮮味, 味道有驚喜！
𓌉◯𓇋⸝⸝ 脆炸天使阿根廷紅蝦｜椰菜花忌廉
用炸米粉捲著紅蝦🦐, 上面以三文魚籽同caviar點綴, 配上parmesan cheese同椰菜花忌廉
, 紅蝦新鮮彈牙, 能吃到蝦肉自身嘅鮮甜味
𓌉◯𓇋⸝⸝ 香煎油封鴨｜布里芝士暖泡沫
一打開玻璃蓋就有夢幻嘅煙霧彌漫着, 係視覺同味覺雙重享受！油封鴨以蘋果木煙燻, 外皮脆口, 肉質鮮嫩帶鹹香
🫧 熱情果雪葩｜紅石榴泡沫
熱情果雪葩清新微酸, 配上紅石榴泡沫, 清一清味蕾, 準備品嚐主菜了～
𓌉◯𓇋⸝⸝ 香煎特級西冷
🥩西冷煎至五成熟, 肉質鮮嫩, 肉味香濃, 配以阿根廷青醬及波特酒肉汁, 令肉味更突出！伴碟為柑橘甘筍蓉及芥末籽薯仔卷, 味道特別又有層次感！
𓌉◯𓇋⸝⸝ 慢煮BBQ豬柳
以慢煮方式烹調, 再以BBQ醬、烤紅甜椒醬 、陳年黑醋調味, 豬柳色澤粉嫩, 肉質非常柔軟, 啖啖肉, 完全能帶出豬柳極上美味！呢道菜式有驚喜, 一試難忘！
𓊆 最後以甜品畫上完美句號 𓊇
🍮 法式焦糖豆腐燉蛋
燉蛋加入豆腐同薑汁, 配合一層薄薄嘅焦糖, 入口有豆香同蛋香味, 口感好軟滑, 甜而不膩, 豆腐同燉蛋呢個組合獨特又好味😋！
🍮 Petit Four
自家製菠蘿汁雪葩棉花糖
上枱時以乾冰製造出煙霧效果, 充滿仙氣, 好適合打卡呢！雪葩棉花糖口感特別, 軟綿綿, 又有冰凍雪葩嘅質感
張貼
