牛魔 (已結業)

今日去咗尖沙咀一間叫「牛魔」嘅餐廳食晚餐，餐廳嘅環境寬敞，週末晚市都座無虛席，每張枱都有一個燒烤爐，爐頭嘅中間位置好猛火，大家燒肉嘅時候要好好把握時機，一唔留神就好易燒焦，建議大家先放喺爐嘅旁邊位置試吓個火勢先。我哋嗌咗一個牛魔五周年大熱set，入面嘅份量非常夠兩個人食，食到我哋好飽。🍊蘋果木煙燻松露和牛他他打開個玻璃樽就有一陣煙飄出嚟，會聞到好強烈嘅煙熏味，而和牛他他嘅調味亦都好濃，加上生雞蛋同蘋果絲一齊攪拌嚟食，口感層次豐富🍊揚櫻花蝦豆腐炸過嘅櫻花蝦包裹住硬豆腐再拎去炸，配埋上面嘅木魚絲，做到外脆內軟嘅口感，食嘅時候小心豆腐咬落會去好熱🍊香蔥薄切牛舌牛舌屬於薄切，咬落去爽口彈牙🍊老饕澳洲M5/M6和牛牛板腱澳洲和牛牛板腱屬於薄切，咬落去充滿肉味同油花，肉質幼嫩，味道濃郁🍊全天然豚肉五花腩豚肉五花腩屬於厚切，燒完之後迫晒啲豬油出嚟，加埋辣醬同生菜包住一齊食冇咁油膩🍊美國和牛封門柳牛板腱肉味非常濃郁，肉質結實，用鉸剪剪開細件會比較容易燒🍊日式魚子雞卷 呢份卷物嘅餡料係炸雞扒，略嫌有少少乾身，上面放滿半融嘅芝士同三文魚籽📍尖沙咀棉登徑8號地下5-6號舖位置就腳：🍊🍊🍊🍊🍊餐廳環境：🍊🍊🍊