影片
更多
2023-05-13
25 瀏覽
今次朋友搵到間新樓上居酒屋，有串燒食又有酒飲，個場仲有室內室外Chill到爆🥰———————————————🌟Nice To Meet You $138呢杯Cocktail真係必點，餐廳連Cocktail都可以住上面拉花，連埋盞漸變燈唔打卡都對唔住自己😆佢係包有White Rum做底，味道上係以蜜瓜味做主調，加有Midori同Melon Syrup，飲落去嘅時候時候一啲都唔苦，仲會有蜜瓜香味好易入口。.🌟She-Man $138呢杯就係主要用Mango Vodka，然後仲加有Champagne同桃味，味道上會有少少甜味。.🌟清酒燒榮螺 $168呢款係佢哋餐廳特別推薦話係當日新出嘅，主要係加入清酒去燒，底放蛋白鹽裝飾，螺肉真係相當鮮甜，但個人覺得有多少少調味就更正喇！原隻螺應該真係好大隻，餐廳幫我哋切咗粒但食極都有🤣最後仲可以將入面嘅清酒螺湯倒出嚟飲😍.🌟燒鵝肝 $128鵝肝燒得非常好食，入口成個口腔都充滿油香，口感好細膩，連埋下面果塊脆麵包真係一流！.🌟免治雞肉棒 $116呢個嚟之前就見好多人叫，個杯非常精緻好適合打卡。雞肉棒個調味做得好出色，表面燒到焦脆加埋月見汁，食落係仲滿蛋香嘅甜
今次朋友搵到間新樓上居酒屋，有串燒食又有酒飲，個場仲有室內室外Chill到爆🥰
———————————————
🌟Nice To Meet You $138
呢杯Cocktail真係必點，餐廳連Cocktail都可以住上面拉花，連埋盞漸變燈唔打卡都對唔住自己😆佢係包有White Rum做底，味道上係以蜜瓜味做主調，加有Midori同Melon Syrup，飲落去嘅時候時候一啲都唔苦，仲會有蜜瓜香味好易入口。
.
🌟She-Man $138
呢杯就係主要用Mango Vodka，然後仲加有Champagne同桃味，味道上會有少少甜味。
.
🌟清酒燒榮螺 $168
呢款係佢哋餐廳特別推薦話係當日新出嘅，主要係加入清酒去燒，底放蛋白鹽裝飾，螺肉真係相當鮮甜，但個人覺得有多少少調味就更正喇！原隻螺應該真係好大隻，餐廳幫我哋切咗粒但食極都有🤣最後仲可以將入面嘅清酒螺湯倒出嚟飲😍
.
🌟燒鵝肝 $128
鵝肝燒得非常好食，入口成個口腔都充滿油香，口感好細膩，連埋下面果塊脆麵包真係一流！
.
🌟免治雞肉棒 $116
呢個嚟之前就見好多人叫，個杯非常精緻好適合打卡。雞肉棒個調味做得好出色，表面燒到焦脆加埋月見汁，食落係仲滿蛋香嘅甜味，雞軟骨比例麵啱啱好食落卜卜脆，係必叫之選👍🏻
.
🌟燒牛小排 $196
呢個牛小排超嫩滑，上面仲加咗好多好薄好薄嘅生蒜片，所以入口有好重蒜味同時亦會有埋生蒜果種辣味，係少見嘅加辣方法。牛肉本身好嫩好重牛味，正👍🏻
.
🌟燒珍寶蘑菇 $68
同出面嘅燒菇唔同嘅位係佢加咗好多調味料一齊燒，包括一層芝士煙肉，食落嘅口感好豐富好有層次，菇本身嘅肉汁都有鎖返曬喺入面。
.
🌟水果天婦羅 $68
我都係第一次食，對我嚟講係幾新奇嘅體驗，入面包括有木瓜、火龍果同香蕉，個人認為最好食就係香蕉，因為香蕉係炸皮下變成蓉狀，食落真係外脆內軟。
.
🔸整體評價🔸
餐廳整體食物質素都非常高，而且都整得好精緻。內部環境裝修好有特色，連洗手間都有種日系古代風格，鍾意打卡嘅朋友仔真係要記得拉埋朋友仔一齊過嚟啊！
張貼
