影片
更多
2023-08-08
16 瀏覽
住將軍澳嘅我已經唔係第一次食呢間餐廳，之前食都一直覺得好高質，仲對佢個南瓜布丁念念不忘，可惜今次已經冇咗果款菜式，但其他食完之後都一樣覺得值得推薦比大家。———————————————🌟海鮮冬蔭公大蝦湯 SeafoodTom Yum $118冬蔭公味道濃郁唔算太辣，大蝦嘅鮮味都煮曬入湯，仲有好多唔同嘅配料例如茹、魷魚等。份量方面大約可以有4－5碗左右，鍾意冬蔭公嘅朋友一定唔可以錯過！.🌟泰式牛油果鮮蝦沙律 Sang Wah Goong $88呢個沙律係少有地好食而且有特色，佢啲蝦又多又鮮甜，差唔多有7隻左右，入面調嘅泰式汁味道都好唔錯，酸酸甜甜，整體健康又好味。.🌟泰式炒椰菜苗 Baby Cabbage $108椰菜苗炒得好香呈翠綠色，椰基本上咬落都有種爽口嘅感覺。.🌟泰式青檸辣椒汁蒸魚 Steamed Fish $228呢個蒸魚係今晚MVP，一開始佢驚我地太辣所以醬汁分開上，除咗可以點醬汁食到本身嘅辣味外，仲可以食到原汁原味嘅鮮魚。魚蒸得啱啱好，唔會驚生又唔會太熟。一開始先將面層嘅青檸汁整出嚟，即時已經做到提鮮嘅效果，再加上特制辣汁，非常惹味。.🌟Mango Lassi $58唔會太
住將軍澳嘅我已經唔係第一次食呢間餐廳，之前食都一直覺得好高質，仲對佢個南瓜布丁念念不忘，可惜今次已經冇咗果款菜式，但其他食完之後都一樣覺得值得推薦比大家。
———————————————
🌟海鮮冬蔭公大蝦湯 SeafoodTom Yum $118
冬蔭公味道濃郁唔算太辣，大蝦嘅鮮味都煮曬入湯，仲有好多唔同嘅配料例如茹、魷魚等。份量方面大約可以有4－5碗左右，鍾意冬蔭公嘅朋友一定唔可以錯過！
.
🌟泰式牛油果鮮蝦沙律 Sang Wah Goong $88
呢個沙律係少有地好食而且有特色，佢啲蝦又多又鮮甜，差唔多有7隻左右，入面調嘅泰式汁味道都好唔錯，酸酸甜甜，整體健康又好味。
.
🌟泰式炒椰菜苗 Baby Cabbage $108
椰菜苗炒得好香呈翠綠色，椰基本上咬落都有種爽口嘅感覺。
.
🌟泰式青檸辣椒汁蒸魚 Steamed Fish $228
呢個蒸魚係今晚MVP，一開始佢驚我地太辣所以醬汁分開上，除咗可以點醬汁食到本身嘅辣味外，仲可以食到原汁原味嘅鮮魚。魚蒸得啱啱好，唔會驚生又唔會太熟。一開始先將面層嘅青檸汁整出嚟，即時已經做到提鮮嘅效果，再加上特制辣汁，非常惹味。
.
🌟Mango Lassi $58
唔會太甜，味道調得啱啱好。
.
🔸整體評價🔸
菜式服務同環境都滿意，回頭率係100%！其實大部份菜式都係$100左右，係海鮮類會貴少少，但整體性價比果d都係滿意的。
張貼
