泰國婆

營業中

休息中

今次嚟到位於將軍澳坑口東港城嘅泰國婆，店舖名好親切，主打香濃惹味嘅泰國菜，包括船麵同埋海南雞飯等。餐廳裝潢充滿泰國懷舊風情，清雅舒適。鳳尾蝦炒金邊粉炒金邊粉味道酸甜開胃，炒得乾身，好有鑊氣，加上芽菜，食落好爽口，再伴以青檸、花生碎同埋辣椒碎等，味道層次感豐富，另外鳳尾蝦共有四隻，味道鮮甜彈牙。泰式船湯河泰式船湯河，湯底色澤深沉，味道濃郁，香料味十足；金邊粉口感滑溜，吸收咗湯汁嘅味道；生牛肉口感嫩滑，上枱時牛肉仲帶有粉嫩色；牛丸牛丸多汁彈牙，牛味突出；炸豬皮口感香脆，浸湯嚟食一流；白蘿蔔口感好腍，好惹味。泰式燒豬頸肉燒豬頸肉外皮脆脆地，帶有焦香味道，豬頸肉肉質軟腍有肉汁，帶有油脂香，配上秘製醬汁，好惹味。芒果糯米飯芒果糯米飯有白糯米同埋黑糯米，口感香甜軟糯，帶有豐富營養價值，加上香濃嘅椰汁一流，表層有脆脆綠豆仁，口感豐富，配上主角芒果，味道清香鮮甜，口感細緻，好味道。泰式奶茶泰式奶茶顏色鮮豔橘紅，口感香甜，口感滑溜，口味充滿泰國特色。泰式椰子沙冰椰子沙冰味道清新，帶有沙冰綿密嘅口感，充滿香濃椰子香氣，味道唔會太甜。