🍣 七色魚生丼
外賣最驚喜嘅一位！打開蓋，魚生嘅顏色依然亮麗，無穿無爛。口感新鮮，完全無「雪氣」味，同堂食無太大差別！
🥩 丼造牛
有牛肉同溫泉蛋！自己將蛋漿同牛肉撈勻，牛肉因為外賣盒嘅餘溫，保持到軟嫩，唔會癡埋一舊舊。醬汁足夠，撈勻後每啖飯都掛到汁，味道濃郁。雖然冇即時燒起咁香口，但以外賣來講，已經收貨有餘！
🐟 魚湯
用密封膠杯裝住，一滴都無漏到，抵讚！送到手依然熱辣辣，呢點非常加分。湯底依然係咁濃郁奶白，飲落好舒服。外賣能保持到呢個熱度同品質，真心難得。
外賣小總結：
「丼造」嘅外賣明顯有花過心思，唔係求其裝起就算。令到家陣叫外賣都可以享受到接近堂食嘅質素。如果想喺屋企安心享受高質丼飯，呢間絕對可以放入你的外賣清單！【外賣食評｜上環「丼造」抵食之選！】
