鳴門割烹料理 (已結業)

9️⃣0️⃣分鐘嘅半自助放題，餐點選項唔算多，勝在黎得非常齊，真係叫幾多黎幾多完全無漏單；環境開揚，每張枱之間嘅距離充足，仲有屏封相隔，對比一般放題嘅氣氛黎得輕鬆。入座先選一個主食，我地叫左一個三色丼同鍋燒牛柳粒目玉丼，主食質素正常，附送嘅前菜值很一讚，用磯煮鮑魚黎打頭陣真係無得輸👍🏻！鮑魚煮得夠曬入味，軟腍得黎又有咬口，真係好想encore 黎多隻🤩🤩。放題嘅選項大概有刺身、壽司🍣、串燒、炸物、沙律🥗、小食同飲品。以下幾款可以encore食多幾轉：▫️刺身：刺身全部都超厚切，油甘魚同三文魚都幾肥美，帶子刺身比較細粒，但以放題黎講質素都唔錯。▫️日式蒸蛋🥚：非常滑溜，高湯帶有甜味，內藏蟹柳、冬菇、白果等食材。▫️炸紫薯薯餅🍠：有驚喜🤩！表皮香脆，內裏紫薯蓉軟滑，紫薯蓉有甜味唔乾，外皮又唔厚粉。▫️炸物：炸物全部都即炸熱辣辣，唔會太油膩太乾。▫️角切魚生沙律：Wasabi味稍勁，因為有新鮮山葵碎在內，爽脆嘅顆粒感混雜係新鮮沙律🥗菜之中，口感清爽。.以下兩款比較遜色▪️鯛魚刺身：質感鬆散、味道清淡，避免大手下單，叫左一兩件試下啱唔啱口味先😅。▪️燒三文魚骨：味道非常清淡，食之無味😂，可以直接skip。