影片
更多
2023-12-22
44 瀏覽
今次呢間西餐性價比其實都幾高，有戶外同室內可以坐，如果大家聖誕節未諗到去邊嘅話呢間餐廳都唔錯🤭———————————————🌟香芒大蝦沙律 $148呢個大蝦沙律新鮮彈牙，加埋有半個芒果，芒果味道唔酸仲甜甜地。至於個沙律汁底係蜂蜜醋醬，整體帶嚟清新嘅酸甜滋味，絕對係一份開胃嘅沙律。.🌟吞拿魚金塊配芒果辣醬 $148呢款吞拿魚處於半熟之間，咬落唔似啲一般刺身，反而帶咗啲熟魚嘅風味。而個芒果辣醬好特別，係用芒果粒同紅椒組成，食落唔覺真係有辣味，反而有啲香甜味，再配上一旁嘅橄欖粒，味道豐富，絕對係驚喜之選。.🌟濃汁牛柳10安士 $338份量夠多，牛柳配鹽已經好出色，一啲筋都冇牛味好重，每一口都充滿濃郁嘅牛肉風味，絕對係肉食愛好者嘅心頭好。.🌟三文魚濃汁闊條麵 $158汁底係蕃茄忌廉，蕃茄味道酸酸甜甜超香濃。三文魚新鮮香口，闊條麵口感煙韌，份量都幾足﹐好好食但最後食唔曬。.🌟心太軟 $98流心整得好好，配上雲尼拿雪糕冰火兩重奏，鍾意食甜品必叫！.🌟Mango Smoothie $48芒果沙冰係用新鮮沙冰做，香甜可口又清新怡人。.🌟Strawberry Milkshake $48士多啤梨奶昔濃郁香
今次呢間西餐性價比其實都幾高，有戶外同室內可以坐，如果大家聖誕節未諗到去邊嘅話呢間餐廳都唔錯🤭
———————————————
🌟香芒大蝦沙律 $148
呢個大蝦沙律新鮮彈牙，加埋有半個芒果，芒果味道唔酸仲甜甜地。至於個沙律汁底係蜂蜜醋醬，整體帶嚟清新嘅酸甜滋味，絕對係一份開胃嘅沙律。
.
🌟吞拿魚金塊配芒果辣醬 $148
呢款吞拿魚處於半熟之間，咬落唔似啲一般刺身，反而帶咗啲熟魚嘅風味。而個芒果辣醬好特別，係用芒果粒同紅椒組成，食落唔覺真係有辣味，反而有啲香甜味，再配上一旁嘅橄欖粒，味道豐富，絕對係驚喜之選。
.
🌟濃汁牛柳10安士 $338
份量夠多，牛柳配鹽已經好出色，一啲筋都冇牛味好重，每一口都充滿濃郁嘅牛肉風味，絕對係肉食愛好者嘅心頭好。
.
🌟三文魚濃汁闊條麵 $158
汁底係蕃茄忌廉，蕃茄味道酸酸甜甜超香濃。三文魚新鮮香口，闊條麵口感煙韌，份量都幾足﹐好好食但最後食唔曬。
.
🌟心太軟 $98
流心整得好好，配上雲尼拿雪糕冰火兩重奏，鍾意食甜品必叫！
.
🌟Mango Smoothie $48
芒果沙冰係用新鮮沙冰做，香甜可口又清新怡人。
.
🌟Strawberry Milkshake $48
士多啤梨奶昔濃郁香滑，唔會太甜，份量亦都超足。
張貼
