令 (已結業)

可能因為無得番家鄉嘅關係🎌，所以呢年嚟廚師發辦🍣阿叔都食多咗好幾次，不過呢間新開料理店內提供嘅新派 · 廚師發辦我都係第一次食😚，佢哋有別於一般傳統日式廚師發辦，呢度以法、日料理為基礎，再配上時令食材同多國唔同煮法，自研出屬於佢哋自家製、無論創意度💡、美味程度😋同吸睛度👀都可以話爆晒燈嘅無國界料理。 料理店位於尖沙咀棉登徑，灰色嘅外牆，非常低調，分分鐘經過咗都唔知😅！呢度面積唔算大，壽司吧枱跟VIP房計埋都只不過十五、六個座位左右。佢哋嘅裝修風格以暗黑系◼️為主，當中阿叔特別鍾意佢哋走廊一張以Hermes 絲巾整成嘅掛畫，高貴之餘，亦非常型格。😎做得廚師發辦👨🏼‍🍳，一定選用時令食材。迎合早前初秋季節🍂，識食一定食「大閘蟹」🦀。餐廳將大閘蟹蟹膏、蟹粉、蟹肉放入料理中，創意度十足之餘，賣相同味道都一流，啱晒鍾意食蟹嘅阿叔！🤤🤤🤤 🍴晚市.大閘蟹廚師發辦 ($2580)，套餐有21道菜式，其中特色時令菜式佔咗10道左右，每道都好有gimmick🤩，款款賣相精緻，件件都好似食緊藝術品咁，真心佩服呢位主廚嘅創意同心機！🙏🏼 🍴拖羅、海膽，作為對客人首次嘅見面禮，簡單嘅一度前菜大廚已落足功夫💪🏼。