影片
更多
2023-10-28
87 瀏覽
之前旺角經過呢間刀削麵見到出面有好多人排隊，而且睇落啲面都好似唔錯，今次喺尖沙咀見到就決定試一試。———————————————🌟花雕醉雞刀削麵 $78呢個係配上湯刀削麵，我刀削麵果然食落非常煙韌，好有咬口，每條粗幼度都會有分別，睇得出真係手工製作。至於花雕醉雞就另外上，調味上幾好嘅地方係佢唔會太甜，酒味亦都唔會太濃，比例啱啱好。雞肉本身都好滑身，不過略嫌皮厚咗少少。.🌟麻辣豬大腸配肥牛上湯刀削麵 $82都係上湯刀削麵就唔特別講啦，至於佢嘅麻辣菜式都一樣係另上，呢啲麻辣食物都幾有驚喜，特別係醬汁方面唔會太辣，但個香味做得好足，有麻香同時有蒜香嘅味道。豬大腸個豬味都幾濃，特別係佢中間嗰一層肥膏，相比之下肥牛就比較遜色。.🌟炸雞翼 $55炸雞翼真心非常推薦，炸到金黃色非常之靚，個皮好脆之餘一咬落去係真係會有汁，熱辣辣食一流。.🌟郊外油菜 $30有生菜同菜心揀，雖然個菜睇落唔係好翠綠，但識落其實好爽口，而且份量都多。.🌟阿華田脆脆 跟餐加$10阿華田味道配上脆脆，比例方面調得幾好。.🌟樽裝豆漿 跟餐加$10採用壹品豆品所出嘅400ml原味豆漿，甜度適中又唔會好杰身。
之前旺角經過呢間刀削麵見到出面有好多人排隊，而且睇落啲面都好似唔錯，今次喺尖沙咀見到就決定試一試。
———————————————
🌟花雕醉雞刀削麵 $78
呢個係配上湯刀削麵，我刀削麵果然食落非常煙韌，好有咬口，每條粗幼度都會有分別，睇得出真係手工製作。至於花雕醉雞就另外上，調味上幾好嘅地方係佢唔會太甜，酒味亦都唔會太濃，比例啱啱好。雞肉本身都好滑身，不過略嫌皮厚咗少少。
.
🌟麻辣豬大腸配肥牛上湯刀削麵 $82
都係上湯刀削麵就唔特別講啦，至於佢嘅麻辣菜式都一樣係另上，呢啲麻辣食物都幾有驚喜，特別係醬汁方面唔會太辣，但個香味做得好足，有麻香同時有蒜香嘅味道。豬大腸個豬味都幾濃，特別係佢中間嗰一層肥膏，相比之下肥牛就比較遜色。
.
🌟炸雞翼 $55
炸雞翼真心非常推薦，炸到金黃色非常之靚，個皮好脆之餘一咬落去係真係會有汁，熱辣辣食一流。
.
🌟郊外油菜 $30
有生菜同菜心揀，雖然個菜睇落唔係好翠綠，但識落其實好爽口，而且份量都多。
.
🌟阿華田脆脆 跟餐加$10
阿華田味道配上脆脆，比例方面調得幾好。
.
🌟樽裝豆漿 跟餐加$10
採用壹品豆品所出嘅400ml原味豆漿，甜度適中又唔會好杰身。
張貼
