影片
更多
2025-05-12
670 瀏覽
今次去咗位於中環大館嘅Café Claudel，餐廳提供室內外座位位置，室外法式木藤椅、室內裝潢古典，加上木地板、木風扇，好有氛圍，完美復刻咗法國巴黎法式咖啡館嘅悠閑神韻，室外座位仲可以欣賞大館呢個百年歷史古蹟建築，週末喺度享受一個Weekend Brunch，感受法式慵懶嘅浪漫情調。Black Angus Flat Steak點咗Medium嘅Black Angus Flat Steak火侯啱啱好，肉質呈粉嫩，口感軟腍，好有肉汁，牛肉味濃郁；配上香脆惹味嘅french fries同埋新鮮翠綠嘅沙律菜，好豐富。Full English Breakfast 經典英式全日早餐材料豐富，有煎蛋、金黃香脆嘅薯餅、煎得焦脆嘅煙肉、外皮香脆，內裹肉汁豐富嘅豬肉腸、味道酸甜嘅茄汁焗豆、鮮蘑菇同埋好fresh嘅蕃茄。Blueberry Smoothie藍莓沙冰用上藍莓、牛奶同埋乳酪打製而成，藍莓味濃郁，味道酸酸甜甜，清新解渴。Morning Boost用上胡蘿蔔、生薑、薑黃為基調，再加上蘋果、蘆薈打製而成。用上生薑好有味蕾衝擊，係醒神嘅好幫手，生薑味濃但唔會有辛辣嘅感覺，好有新意，係一杯醒神嘅Morn
今次去咗位於中環大館嘅Café Claudel，餐廳提供室內外座位位置，室外法式木藤椅、室內裝潢古典，加上木地板、木風扇，好有氛圍，完美復刻咗法國巴黎法式咖啡館嘅悠閑神韻，室外座位仲可以欣賞大館呢個百年歷史古蹟建築，週末喺度享受一個Weekend Brunch，感受法式慵懶嘅浪漫情調。
Black Angus Flat Steak
點咗Medium嘅Black Angus Flat Steak火侯啱啱好，肉質呈粉嫩，口感軟腍，好有肉汁，牛肉味濃郁；配上香脆惹味嘅french fries同埋新鮮翠綠嘅沙律菜，好豐富。
Full English Breakfast
經典英式全日早餐材料豐富，有煎蛋、金黃香脆嘅薯餅、煎得焦脆嘅煙肉、外皮香脆，內裹肉汁豐富嘅豬肉腸、味道酸甜嘅茄汁焗豆、鮮蘑菇同埋好fresh嘅蕃茄。
Blueberry Smoothie
藍莓沙冰用上藍莓、牛奶同埋乳酪打製而成，藍莓味濃郁，味道酸酸甜甜，清新解渴。
Morning Boost
用上胡蘿蔔、生薑、薑黃為基調，再加上蘋果、蘆薈打製而成。用上生薑好有味蕾衝擊，係醒神嘅好幫手，生薑味濃但唔會有辛辣嘅感覺，好有新意，係一杯醒神嘅Morning Boost。
張貼
