影片
更多
2022-10-18
257 瀏覽
嘉多娜，真係一個令我又愛又恨的名字愛，係因為我真係好鐘意佢哋個京都抹茶紅豆麻糬包！恨，就唔使講啦，平日去都要排隊。買佢哋個包，都要講天時地利人和。仲要岩岩食到個布甸包，就出抹茶味；食到個綠茶味，就出咗個芝麻味，我仲有脆皮布甸泡芙同朱古力布丁包未試過呀！※法式麵包布甸（$15）入門必試，雖然坊間已經好多仿版，但暫時未食到邊間可以取代到。布甸滑到一個點，濃濃蛋香及牛奶香。加上偏硬的法包中和布甸的甜味，令到成個包唔會過甜，係我屋企小朋友的最愛。※京都抹茶紅豆麻糬布甸包 （$23） 重點推薦，抹茶控點都要抽時間去買！布甸包的做法，但包用上小山園抹茶粉(取色），而內餡則用上西村番茶屋抹茶粉（取味），灑面則用上南山園綠茶粉，所以成個包由外至外由色至味，都係滿滿的抹茶！抹茶香濃回甘，加上略為偏甜的北海道十勝紅豆，味道又剛剛好了！呢個包絕對係我的抹茶排行榜第1位。（不過李daddy及小朋友覺得太苦）※黑白布甸竹炭芝麻包（$23）香滑布甸同法包就一樣啦，今次加入芝麻，芝麻味如期中香濃，亦無過甜。我個人覺得唔錯，但又係一個小朋友麻麻地嘅口味。難得去到鋪店，點都要試埋其他包！※貝果系列有口味的貝果一向售價
嘉多娜，真係一個令我又愛又恨的名字愛，係因為我真係好鐘意佢哋個京都抹茶紅豆麻糬包！
恨，就唔使講啦，平日去都要排隊。買佢哋個包，都要講天時地利人和。仲要岩岩食到個布甸包，就出抹茶味；食到個綠茶味，就出咗個芝麻味，我仲有脆皮布甸泡芙同朱古力布丁包未試過呀！
※法式麵包布甸（$15）
入門必試，雖然坊間已經好多仿版，但暫時未食到邊間可以取代到。布甸滑到一個點，濃濃蛋香及牛奶香。加上偏硬的法包中和布甸的甜味，令到成個包唔會過甜，係我屋企小朋友的最愛。※京都抹茶紅豆麻糬布甸包 （$23）
重點推薦，抹茶控點都要抽時間去買！布甸包的做法，但包用上小山園抹茶粉(取色），而內餡則用上西村番茶屋抹茶粉（取味），灑面則用上南山園綠茶粉，所以成個包由外至外由色至味，都係滿滿的抹茶！抹茶香濃回甘，加上略為偏甜的北海道十勝紅豆，味道又剛剛好了！呢個包絕對係我的抹茶排行榜第1位。（不過李daddy及小朋友覺得太苦）
※黑白布甸竹炭芝麻包（$23）
香滑布甸同法包就一樣啦，今次加入芝麻，芝麻味如期中香濃，亦無過甜。我個人覺得唔錯，但又係一個小朋友麻麻地嘅口味。難得去到鋪店，點都要試埋其他包！
※貝果系列
有口味的貝果一向售價唔平，呢度size偏細少少，但價錢就親民好多，通常都$10以下。而且餡料都唔少種類，真係買晒嚟試都唔過份。其實每種我都覺得唔錯，個人喜好係焙茶奶酥味。椰汁麻糬紫薯包
小小的一個，麻糬的椰汁味好出，夾埋比較淡口的紫薯，又係一個好好的配搭。只係呢個包保質期好短，如果天氣熱第2日就開始變味。※椰汁麻糬3Q餅
台灣必買手信3Q餅，外形上比傳統的立體，麻糬椰香味出色，但整齊味道偏甜，而且層次較少，但價錢夠平！嘉多娜餅屋
地址：油麻地碧街54號地舖
營業時間：星期一至日 06:30 - 21:00
開賣時間： 4：30pm
注：仲有佐敦文苑街分店，出爐時間及品種略有不同，出發前記得上網睇清楚先呀。
張貼
