金凱小廚 (已結業)

今晚就去友人屋企攞嘢順便約埋其他朋友落樓下食飯。食店係「冬菇亭」類型，環境一般講求實際，呢度有幾個套餐選擇，我哋揀嘅$198餐有得包火鍋配料加雞煲再加串燒加飲品，唔食到飽都幾難。扇貝及生蠔燒烤幾香還飄來陣陣蒜香。另外，雞煲本身有七八成熟，然後再炒兩炒就可以食得，雞肉加上配料令香氣撲鼻而嚟，惹味得嚟但要忍一忍以免佔胃太多空間食唔其他嘢。火鍋方面，叫嘅配料一碟碟送來，賣相一般但食物卻保持質素，整體唔錯。飲品有可口可樂、忌廉、芬達、道地紙包飲品，仲有啤酒，任飲任食，可說是有酒今朝醉，第2日又係新一天，重新出發。