影片
更多
2025-07-17
0 瀏覽
呢晚同朋友一齊嚟咗呢間喺中環嘅韓國🇰🇷餐廳食晚餐🤣呢度老闆應該係幾個韓國人🇰🇷而店員係菲律賓人🇵🇭，提供嘅韓國菜🇰🇷有啲都幾特別，而菲律賓🇵🇭店員工作積極有效率兼好禮貌🤣$178「海鮮蔥煎餅」：海鮮有好多隻大大隻嘅蝦仁🍤同埋切粒嘅魷魚🦑，韓國🇰🇷 Pancake 用咁大隻蝦仁🍤真係少見🤩；呢個煎餅亦都用咗超大量香蔥，Batter 麵糊只係落咗極少，真係真材實料，好好食🤣$138「韓國炸豬肉」：韓國🇰🇷豬肉🐷切成一條條用脆漿包住然後炸，咁外邊炸到脆脆哋再打一個甜甜哋嘅芡咁樣就幾香口啦🤣$198「泥蚶拌飯套餐」，包括「泥蚶拌飯」同埋揀咗「豬肉嫩豆腐鍋」🤣「꼬막비빔밤 콤보」韓文我唔識🤣餐廳翻譯為 「泥蚶拌飯 Cockles Bibimbap」，咁亦都應該可以翻譯為 Kkomak Bibimbap，Kkomak拌飯 據說係數年前嘅冬天喺首爾開始流行而成為熱門菜餚！呢道菜嘅特點係用新鮮嘅蛤，更準確地講應該係用血蚶 - 韓語稱為 Kkomak，Kkomak係小型鹹水蛤，喺韓國🇰🇷嘅冬天會生長得又肥又甜，咁夏天當然亦都會有🤣；呢間餐廳就用大量泥蚶（亦俗稱血蚶）嚟煮 Bibimbap，真係幾乎啖啖都
呢度老闆應該係幾個韓國人🇰🇷而店員係菲律賓人🇵🇭，提供嘅韓國菜🇰🇷有啲都幾特別，而菲律賓🇵🇭店員工作積極有效率兼好禮貌🤣
$178「海鮮蔥煎餅」：海鮮有好多隻大大隻嘅蝦仁🍤同埋切粒嘅魷魚🦑，韓國🇰🇷 Pancake 用咁大隻蝦仁🍤真係少見🤩；呢個煎餅亦都用咗超大量香蔥，Batter 麵糊只係落咗極少，真係真材實料，好好食🤣
$138「韓國炸豬肉」：韓國🇰🇷豬肉🐷切成一條條用脆漿包住然後炸，咁外邊炸到脆脆哋再打一個甜甜哋嘅芡咁樣就幾香口啦🤣
$198「泥蚶拌飯套餐」，包括「泥蚶拌飯」同埋揀咗「豬肉嫩豆腐鍋」🤣
「꼬막비빔밤 콤보」韓文我唔識🤣餐廳翻譯為 「泥蚶拌飯 Cockles Bibimbap」，咁亦都應該可以翻譯為 Kkomak Bibimbap，Kkomak拌飯 據說係數年前嘅冬天喺首爾開始流行而成為熱門菜餚！呢道菜嘅特點係用新鮮嘅蛤，更準確地講應該係用血蚶 - 韓語稱為 Kkomak，Kkomak係小型鹹水蛤，喺韓國🇰🇷嘅冬天會生長得又肥又甜，咁夏天當然亦都會有🤣；呢間餐廳就用大量泥蚶（亦俗稱血蚶）嚟煮 Bibimbap，真係幾乎啖啖都食到泥蚶🤣，用咗咁大量 泥蚶 加埋醬油、香蔥、紅椒粉、芝麻 等 拌飯，可以想像呢個飯就一定好好食啦🤣，仲可以用脆卜卜嘅紫菜包住嚟食🤣
「豬肉嫩豆腐鍋」：可以揀辣或者 Less Spicy，咁我哋揀咗少辣🤣，味道已經夠晒濃郁，亦都冇改錯名豆腐真係好嫩滑，仲有一隻生雞蛋可以打落湯度用餘溫煮到半熟🤣
張貼
