小點角落 (新都會廣場)

營業中

休息中

話說今屆港姐👙泳衣問答環節，其中一條問題係問佳麗覺得最能代表香港嘅兩餸飯嘅餸喺邊款，之後個佳麗答🥭楊枝甘露😂全場連司儀都O曬嘴😮，於是司儀再三同佳麗確認答案，點知佳麗堅持係楊枝甘露，於是第二日就成為網上熱話，更加有惡搞版楊枝甘露兩餸飯飯盒meme圖。點知呢間餐廳真係有楊枝甘露兩餸飯😱呢間餐廳叫小點角落，將香港街頭小食帶入舖。其實楊枝甘露兩餸飯真身係雞蛋仔套餐，$48一底原味雞蛋仔🐣配一款自選甜品，當中就可以選🥭楊枝甘露。我覺得呢個餐好抵食，依家出街食一帶雞蛋仔都二十幾蚊，一碗楊枝甘露至少30至40蚊，呢度有梳化位坐坐得舒舒服服都係48蚊加一，如果鍾意食榴槤嘅，仲可以揀榴槤甘露，感覺就更加抵。不過雞蛋仔唔算好脆，楊枝甘露入面有好多潮式清心丸，所以都算飽肚。相對於$68嘅午市瑞士雞翼撈麵餐，真心覺得「楊枝甘露兩餸飯」更加抵食。一點午市時段，四款lunch set已經有其中兩款賣哂，真係有啲無心戀戰feel。