小點角落 (新都會廣場)

營業中

休息中

鐵板燒雜扒既雞扒咬落勁大陣雪藏味，豬扒都有陣奇怪味，而牛扒未食過甘難食既牛扒，另外羅宋湯都好差，飲一淡已經吾想飲，勁鹹，唯一正常少少係野飲，以後都吾會再幫襯呢間。

係個商場的當眼處，裝修似係幾舒服，有卡位，小點角落個名同個環境似係可以hea下的餐廳。但係但係限時60分鐘，上菜慢，要趕住食，食完趕住走。食完就俾餐廳趕走，話夠鐘。你真係唔好預計食完可以傾下計，chill下hea下。一般限時餐廳都係90分鐘左右，但60分鐘真係太短。食物係快餐店質素，似預製菜，翻熱的感覺。價錢偏貴，60幾元一個常餐，雞脾好un，又唔熱。公仔面冇咩味，又唔熱。覺得性價比好低。不過份量係ok～

今日諗住食個常餐一定無死 叫左個炸豬扒麵特餐 但個炸豬扒唔知係蒸定炸 個麵純粹係水加麵 個滑蛋仲要煮到有濃味 收成五十幾蚊 如果你想食個常餐 真係可以放棄 完全唔知自己食緊啲咩…

睇食評都未察覺到，去到先發覺問題所在，地方好細，餐廳唔似餐廳，茶餐廳唔似茶餐廳，感覺似糖水舖多啲，食物選擇非常少，得幾款鐵板餐，幾款常餐，幾款雞蛋仔同兩款糖水，叫咗個鐵板雜扒餐跟薯菜同常餐叉燒撈公仔麵，叉燒公仔麵正正常常，叉燒都幾好食，雜扒餐跟個羅宋湯，好多雜菜，但係茄汁蕃茄湯底咁，個鐵板雜扒餐嚟到先發覺係迷你版，牛扒豬扒雞扒得半件，牛脷得一小嚿，細嚿到差少少搵唔到佢，牛扒同雞扒完全無味道，牛脷比較韌，豬扒反而有少少味，係最好食，所以嘢都一定要沾汁先可以食，薯菜係炸薯角，都唔錯，有麥當勞薯條變粗咗咁，鴨屎香手打檸檬茶正常，紅豆奶茶就可以唔洗試，完全無奶茶味，又好似有少少椰奶，唔知自己飲緊咩。

朗豪坊 4 樓除咗喺Food court，仲有好多餐廳選擇！本身諗住買份雞蛋仔食，見到人哋食鐵板又幾吸引，一於試試佢！套餐有埋薯菜、紅湯同餐飲，又幾抵食噃～.➜人氣牛脷雜扒鐵板餐汁可揀黑椒汁/蒜蓉汁，未淋醬汁已經滋滋聲好過癮！有齊肉眼、豬扒、雞扒、牛脷同廚師腸好多款，雞扒好嫩滑，牛脷有口感，仲有脆卜卜嘅薯菜，絕對係飽肚之選。.➜滋選肉眼扒鐵板餐同樣都係肉眼，單叫嘅肉眼扒嘅餐就大塊好多！而鐵板夠熱，肉眼扒嚟度嘅熟度都啱啱好，肉質嫩滑冇乜筋位！.➜羅宋湯蔬菜滿滿！酸酸甜甜又開胃！.➜奶茶紅豆冰 & 手打香水檸檬茶.#msmessypig_food

入座講到明是60分鐘但係岩岩好放底餐具 即刻話來收野 轉頭仲要同我講話差唔多要交枱，但係當時只係食咗40分鐘因為當時有三個人喺門外排隊，佢見我哋食完即刻講我哋走完全冇理過個客人杯嘢飲都未飲完跟住我哋起身嗱嗱臨趕住埋單走嘅時候仲要話收銀嗰邊俾錢 足足講左3次叫我地交枱 真心未夠鐘 我地只係岩岩放底餐具 牙都未撩 佢哋就過嚟整呢樣整嗰樣趕人走真係廢話唔俾錢。唔通可以走咩？ 個收銀又係不知所謂，聽到我話都唔夠60分鐘趕客走，仲要扮聽唔到唔知佢聾咗定係盲咗定係啞咗啲嘢食又難食喊到發苦所謂肉眼扒鞋柴到一個點完全冇問過客人幾多成熟份量又少都過$100一位啦唔怪得知啲人個個返晒大陸食嘢真係早日結業關唔光榮就唔知絕對絕對唔會有下次非常之印象差永遠都唔會再幫襯

餐廳位於新都會廣場內, 以地道港式小食為主, 近日更加入滋味經典鐵板餐, 十分吸引✨我們點了「滋」「滋」聲鐵板餐套餐可選意粉/飯/薯菜·包餐湯及飲品人氣牛脷雜扒鐵板餐🥩充滿視覺味覺的享受, 是店內人氣鐵板餐, 份量十足、有牛脷、肉眼、雞扒、豬扒及腸仔, 牛脷脂肪適中、口感獨特帶有嚼勁, 鮮美多汁, 雜扒水準平均, 雞扒夠嫩滑, 有驚喜😍滋選肉眼扒鐵板餐🥩肉眼扒油脂較豐富, 肉香四溢, 肉質非常柔軟、帶少少油脂, 配上香辣黑椒汁牛肉鮮味特別濃郁, 非常抵食👍🏻羅宋湯不同蔬菜熬製而成, 滿滿椰菜、酸中帶甜, 再輕輕加上胡椒粉更惹味飲品凍檸茶奶茶紅豆冰🫘 奶茶茶味香濃、粒粒紅豆飽滿有咬口, 非常搭配全部即叫即製作熱辣辣, 環境整潔企理, 設有卡座, 店員服務態度很好, 上菜有效率, 整體ᴄᴘ值高🌟 不設加一服務費

年初四同男朋友落咗去新都會廣場搵嘢食,去到5樓發現有依間小店角落，主打港式茶餐,店員介紹番佢地最近推出滋味鐵板餐Menu~推廣期間更加係免加一👍✅牛脷雜扒鐵板餐(HK$108):有豬牛雞扒同一片厚切牛脷~配上嘅蒜蓉汁仲幾香✅滋味肉眼扒鐵板餐(HK$98):大概有兩大塊~So far 食落冇鬆肉粉味每款鐵板餐可以自選黑椒汁蒜蓉汁白飯意粉薯菜,仲可以加18蚊叫埋中式糖水,加38蚊配埋紅酒/白酒一杯🤭享受港式滋味!!!

餐廳內環境優美，有多張二人卡座好寬闊舒服😌［熱辣辣鐵板餐］主菜/薯角配羅宋湯及餐飲人氣牛脷雜扒鐵板板餐廳必食食品，多款扒類都可以食勻性價比好高。牛脷同雞扒肉質都很嫩滑。精選肉眼扒鐵板餐大大塊肉眼扒，切落好軟身，冇筋同埋塊肉唔會痴邊。🥩好好食😋羅宋湯夠酸好開胃，蔬菜配料份量亦好足。汁：黑椒汁/蒜蓉汁主菜：飯/意粉/薯角--意粉，質感非常幼身配埋d汁一齊撈勻食非常滑身。薯角即叫即炸，非常香脆。［升級餐飲］紅豆冰鴨屎香檸檬茶

最近去咗葵芳新都會廣場頂樓嘅小點角落，呢間餐廳環境企理，裝修簡約，坐得舒服。餐廳有幾個特色卡位，設計得好有心思，適合朋友聚會😊試咗兩個「滋」「滋」聲鐵板餐，包括人氣牛脷雜扒鐵板餐同滋選肉眼扒鐵板餐。兩款都係用蒜茸汁，配意粉同薯菜，仲有羅宋湯。🥩 人氣牛脷雜扒鐵板餐🐂🐓🐖：牛脷🐂煎得剛好，雜扒包括雞扒🐓同豬扒🐖。薯菜好味。跟餐羅宋湯湯底濃郁，蔬菜足料亦煲得軟熟。🍲🥩 滋選肉眼扒鐵板餐：肉眼扒賣相幾好，襯埋鐵板上感覺真係唔同啲。肉眼扒肉質外脆內嫩唔會好韌。意粉亦煮得彈牙。🍝飲品方面，叫咗一般茶餐廳都有嘅咗熱柚子蜜🍯同凍檸茶🍋。

今天在新都會廣場購物，經過這間簡潔大方的餐廳，鐵板扒香味撲鼻令人垂涎！### 人氣牛脷雜扒鐵板餐果然是人氣之選，上台時候仍然發出滋滋聲，夠嗮鍋氣香氣！包括牛脷、豬扒、雞扒、火腿腸，絕對是肉食愛好者的夢想。咬下去時，肉的鮮味立刻在嘴裡爆發，隨著咀嚼，濃郁的肉汁混合著黑椒汁的香氣，帶來一種無法抵擋的美味！### 安格斯牛板腱鐵板餐安格斯牛板腱肉質紮實，表面微微焦脆，內裡卻是多汁、鮮美，咬下去的瞬間，粉嫩的肉汁湧出。搭配的鐵板蔬菜還有玉米、番茄和西蘭花，增添了色彩與口感，清脆的口感與牛肉的豐富味道形成對比，讓整道菜更具層次感！跟餐有羅宋湯，加$8就有一杯奶茶紅豆冰，底層是細膩的紅豆的甜味充分釋放，口感滑順而不膩，香濃的奶茶香氣與紅豆的甜味完美融合！

依間餐廳平時做開小食，估唔到有啲咁吸引嘅鐵板牛扒餐，所以今日走咗入葵芳試吓，餐廳裝修都幾寬敞舒適，色調柔和令人感覺輕鬆！🍅🧡羅宋湯入邊都有大量蔬菜，湯令人感覺比較清新，味道就香甜開胃，飲啖湯可以中和肉類嘅肥膩！🤎人氣牛脷雜扒鐵板餐 $108🍝意粉·黑椒汁🧋奶茶紅豆冰鐵板餐真係好豐富呀，有齊晒雞、牛、豬，有我最鍾意嘅牛舌，勁滿足！雞扒肉質都算嫩滑，牛舌厚薄適中，脆薄有口感，豬扒較薄切，肉質鬆軟，味道都唔錯！至於黑椒汁味道香濃，大量黑椒加添辛辣🌶️好惹味！套餐仲有大蕃茄、西蘭花作為少少陪襯，襯埋意粉、薯菜或者飯就夠飽啦！🐃安格斯牛板腱鐵板餐 $88如果鐘意食牛，呢個會比雜扒更適合，牛扒唔會煮得過熟，大約七成熟略帶粉紅色，肉質都嫩滑有肉味，合格！✨呢個價錢超抵食，如果係葵芳行街之後可以過嚟嘆吓熱辣辣🥩鐵板滋味！

晚餐嚟到葵芳新都會廣場嘅《小點角落Bite by Bite》。呢間店鋪環境裝潢以西式建築做靈感，主色調係木色，大門用咗圓拱頂線條設計，感覺好有特色。一向主打港式街頭小食同甜品嘅佢哋，今次試新搞作，🔥火熱推出「滋」「滋」聲鐵板餐，仲有Alex至愛嘅牛脷添！😍 我哋即刻過嚟試下。每人叫咗一個鐵板套餐，三款「滋」「滋」聲鐵板系列入面，我哋揀咗「人氣牛脷雜扒鐵板餐」同「滋選肉眼扒鐵板餐」。鐵板餐一上枱，香味即刻撲鼻而嚟，係回憶嘅味道呀！😌 牛脷配雜扒，非常豐富，滿足晒不同口感。而肉眼扒都唔錯，肉質鮮嫩，每一啖都充滿肉汁。另外，佢哋餐廳嘅羅宋湯都好足料，每一啖都飲到濃濃嘅牛肉同蔬菜嘅味道。我哋仲加咗8蚊升級做「奶茶紅豆冰」，甜甜嘅紅豆配上香滑奶茶，完美結合哦！😋。P.S 推廣期內鐵扒餐仲免收加一添！😉**小點角落**地址: 葵芳興芳路223號新都會廣場5樓574A號舖

📍小點角落 (葵芳)葵芳興芳路223號新都會廣場5樓574A號舖住附近，依家先發覺有間舖頭喺新都會係咁抵食!👉鐵板餐(人氣牛脷雜扒鐵板餐)
💰108.0😋😋😋😋.8/5呢個牛脷餐超級大份，仲包餐湯！有牛脷，西冷，豬扒，雞扒每樣都有一塊，仲有腸仔粟米多不特止仲要好好食佢個牛脷超超級出色真係要食咬出嚟係有汁㗎！真係出色，另外配薯菜飯或者意粉都岀色，仲有黑椒汁同蒜蓉汁，各有特色！跟餐仲有飲品！最岀色佢係有無糖豆漿😍😍回頭:YESYESYES!!!咁抵食又好食一定再食！

星期五晚喺新都會廣場食飯，真係度度都要排隊，要精選一下食啲咩比較好😮 見到呢間餐廳做緊推廣，推廣期內鐵板餐免收加一，望落都幾吸引，所以最後揀咗嚟呢間餐廳食飯。一份鐵板餐，除咗肉類、主食、熱飲之外，仲包羅宋湯。呢個羅宋湯上碟時熱辣辣，入面都幾多蔬菜🍲人氣牛脷雜扒鐵板餐呢個雜扒餐嘅食物都幾豐富，包括有牛脷、肉眼扒，雞扒、豬扒同埋腸仔。每件扒類都唔係細細嚿，都幾足料㗎。個人最鍾意佢嘅牛脷，雖然唔係厚切，但係食落口依然好軟腍👅 如果可以多幾塊就好啦🤣 我哋呢個雜扒餐揀咗蒜蓉汁，同雞扒及豬扒兩款都好夾👍🏻 另外主菜配咗意粉，係個幾豐富嘅西式晚餐🍝滋選肉眼扒鐵板餐因為朋友唔食豬肉，所以佢揀咗呢一個只係有肉眼扒嘅鐵板餐。佢有一大片嘅肉眼扒係鐵板上，切開仲係好粉嫩🐮 總係覺得牛肉配黑椒汁係更加好食，所以我哋呢一個肉眼扒揀咗黑椒汁，黑椒汁果然係非常惹味🥰 呢個我哋就揀咗配飯，黑椒汁係好好送飯🍚飲品♦️無糖豆漿呢個豆漿可以額外加糖，不過想健康啲嘅我就冇額外加啦。豆味都幾濃郁，不過如果飲開有糖嘅朋友可能覺得佢清清地淡咗啲😮♦️黑咖啡另外一杯我哋揀咗熱齋啡，餐廳用上不鏽鋼杯更加保溫☕️鐵板餐嚟講，份餐都幾抵食，啲扒