影片
更多
2021-08-25
1852 瀏覽
唔喺清明，唔喺重陽，但就會一年一度上鑽石山墳場掃墓，因為就番先人嘅死忌日，所以，慈雲山、黃大仙或鑽石山一帶，一年總有機會有一篇食評出現。今次，外面天氣超熱（今年全球啲天氣都好反常，香港嘅天氣就特別濕、特別熱），故此，近近哋行過去慈雲山中心，由底層行到最上層，揀咗「湯加」，因為之前同老婆食過佢哋嘅「百秘海鱸魚」，喺幾得嘅，所以，投其信心一票。呢間鋪唔及紅磡店大，但環境都依樣乾淨企理，光猛闊落，依家食嘢除講味道，都求個安心啫。加上位處商場最高層，相對下層堆餐廳，喺比較少人幫襯。而餐具、糖鹽、牙簽，均擺晒晌餐枱側嘅抽櫃，自由取用，唔做勞煩侍應。因為已到下午茶時段，就算喺假期，都一樣有下午茶餐提供，而且，都幾多款式揀，價格都相宜。老婆就一早打算翻兜百秘鱸魚，當然，主餐牌嘅所有菜式都一樣有供應。百秒海鱸魚米線 $68今次再食，仲要喺唔同嘅分店，難得水準保持到呀，依樣海鱸魚喺原鍋咁上，而米線則用碗仔另上，夾埋起上嚟，整體份量非常之多，所以，小弟亦要幫佢包咗半份底。魚肉嫩滑鮮味，魚湯底亦好鮮，蘿蔔清甜無渣，米線口感滑溜，真喺無咩挑剔。 炸雞脾薯條配西多士 $35細佬妹就同樣都揀炸脾，常常晌茶記，炸脾
呢間鋪唔及紅磡店大，但環境都依樣乾淨企理，光猛闊落，依家食嘢除講味道，都求個安心啫。加上位處商場最高層，相對下層堆餐廳，喺比較少人幫襯。
而餐具、糖鹽、牙簽，均擺晒晌餐枱側嘅抽櫃，自由取用，唔做勞煩侍應。
因為已到下午茶時段，就算喺假期，都一樣有下午茶餐提供，而且，都幾多款式揀，價格都相宜。
老婆就一早打算翻兜百秘鱸魚，當然，主餐牌嘅所有菜式都一樣有供應。
百秒海鱸魚米線 $68今次再食，仲要喺唔同嘅分店，難得水準保持到呀，依樣海鱸魚喺原鍋咁上，而米線則用碗仔另上，夾埋起上嚟，整體份量非常之多，所以，小弟亦要幫佢包咗半份底。魚肉嫩滑鮮味，魚湯底亦好鮮，蘿蔔清甜無渣，米線口感滑溜，真喺無咩挑剔。
百秒海鱸魚米線
$68
97 瀏覽
0 讚好
0 留言
細佬妹就同樣都揀炸脾，常常晌茶記，炸脾會配吓沙律或薯條，但呢度就勁，配薯條，整多兩粒車厘茄，仲加多份厚切嘅西多，鑊仔咁上，有睇頭，又夠份量。炸脾炸得唔錯喎，最基本嘅，就喺無炸燶先啦，炸得皮脆甘香，夠肉汁，唔會「乾崢崢」，薯條亦香脆不膩，西多士就喺大路貨色出品，無話好好，亦無話差。
芝士火腿蔥薄餅配香茅雞翼 $33 因為預咗要幫老婆嘅米線包底，所以，揀咗一款有啲特色，但相對輕量級啲嘅茶餐。芝士火腿蔥薄餅喺就喺有少少油，但煎得脆脆口，夾咗芝士同火腿，卻喺幾鹹香惹味；雞翼唔喺啲奀挑鬼命嘅貨色，大大隻，炸得金香，食落皮脆肉嫩，滲出陣陣香茅味，三十零蚊，交足貨啦。
即磨咖啡細佬妹佢哋揀咗凍柑桔蜜，話OK，無特別影相，就唔多講。晌茶就，就絕對會揀熱奶茶，不過晌呢度，揀即磨咖啡應該穩陣啲，入口，又算喺幾醇和。
今餐就簡簡單單，加上啲下午茶定價好大眾化，喺位置比其他同商場嘅餐廳蝕底咗，不過，主要都哋做慈雲山街坊客，生意應該OK嘅。
張貼
