泰然 (順利商場)

營業中

休息中

係觀塘順利邨試下泰國野，呢間環境都可以，光猛又坐得舒舒服服，今次試咗三樣野，食到我個肚爆開咁滯，抵食夾大件，仲要價錢好實惠。打開餐牌，有好多選擇，唔知叫邊樣好，樣樣都想食，最後叫咗賣飛佛list 嘅小食併盤，椰香鮮蝦柚子沙律，泰式腩肉雜菜炒粉絲，同埋椰汁冰 先講椰香鮮蝦柚子沙律，每次去泰國餐廳必吃，柚子好fresh， 加埋幾隻大蝦，食落又唔頂肚，呢個簡直係開胃菜嚟㗎 之後小食併盤，有泰式蝦餅，春卷，香葉雞同埋魚餅各3件，蝦餅大大件，咬落蝦肉彈牙，配埋個甜酸醬，嘩….不得了，魚餅用咗好多香料去整比較辣，春卷卜卜脆，香葉雞大大舊，又好juicy，唔乾爭爭，各有特式，唔錯 泰式腩肉雜菜炒粉絲，用咗好多配菜去炒，炒得好乾身，粉絲好幼細，腩肉都多，份量剛剛好，粉絲比較冇咁飽肚，所以可以食多少少 椰汁冰，有好香濃嘅椰香味，落單時可以要求少甜或者少冰，幾貼心，可以自己調較口味 食到我個肚爆咁滯一個人堅食唔晒，餐廳姐姐好好人，比個外賣盒我打包拎返屋企慢慢食