影片
更多
2024-11-19
1020 瀏覽
《Four O Five Coffee & Eatery》餐廳位於觀塘成業工業大廈，呢度有好多不同種類嘅餐廳，非常值得鍾意捐窿捐罅搵嘢食嘅朋友去附近尋找美食😈，日式千手茄子：炸茄子外形相當爆炸😎，感覺上係四人份量🤪，內脆外軟，建議慢慢品嚐可以感覺到茄子味道，主要以茄汁為主要醬汁嘅一款小食。慢煮和牛面肉半薯蓉：其中一樣最佳嘅精選，牛面肉軟淋淋，肉汁鮮甜。 另外 配料方面，薯蓉香氣十足，配上少少炸大蒜絲，口感唔錯😋。 蒜香蟹肉意大利粉：蒜香同蟹肉都十分足料，有少少香辣感覺，而蒜頭嘅香味亦非常之十足，值得一讚係意粉汁無過量，唔會食完感覺到好滯。因為一般出面食開意粉，就係意粉同埋汁會混埋一齊，食咗可能會好濟，今次餐廳嘅意粉汁份量調節得相當適中，非常值得一讚🫰🏻。山政小山園一番焙茶 & Oreo忌廉沙冰：餐廳非常貼心，一番焙茶可以選擇少甜、走甜或者正常甜度，好適合唔同年齡及唔同口味嘅朋友👍🏻；而oreo忌廉沙冰，名不虛傳，大熱天時飲呢一杯嘢飲，一個字，好鬼爽🤣。伯爵茶珍珠梳乎厘班戟：班戟份量驚人，有兩大層，而且入面真係啖啖都係班戟蛋糕，非常足料，伯爵菜味亦都非常之濃郁🤤。 總結：餐廳店員服務態度
餐廳位於觀塘成業工業大廈，呢度有好多不同種類嘅餐廳，非常值得鍾意捐窿捐罅搵嘢食嘅朋友去附近尋找美食😈，
日式千手茄子：
炸茄子外形相當爆炸😎，感覺上係四人份量🤪，內脆外軟，建議慢慢品嚐可以感覺到茄子味道，主要以茄汁為主要醬汁嘅一款小食。
慢煮和牛面肉半薯蓉：
其中一樣最佳嘅精選，牛面肉軟淋淋，肉汁鮮甜。 另外 配料方面，薯蓉香氣十足，配上少少炸大蒜絲，口感唔錯😋。
蒜香蟹肉意大利粉：
蒜香同蟹肉都十分足料，有少少香辣感覺，而蒜頭嘅香味亦非常之十足，值得一讚係意粉汁無過量，唔會食完感覺到好滯。因為一般出面食開意粉，就係意粉同埋汁會混埋一齊，食咗可能會好濟，今次餐廳嘅意粉汁份量調節得相當適中，非常值得一讚🫰🏻。
山政小山園[RICH]一番焙茶 & Oreo忌廉沙冰：
餐廳非常貼心，一番焙茶可以選擇少甜、走甜或者正常甜度，好適合唔同年齡及唔同口味嘅朋友👍🏻；而oreo忌廉沙冰，名不虛傳，大熱天時飲呢一杯嘢飲，一個字，好鬼爽🤣。
伯爵茶珍珠梳乎厘班戟：
班戟份量驚人，有兩大層，而且入面真係啖啖都係班戟蛋糕，非常足料，伯爵菜味亦都非常之濃郁🤤。
總結：
餐廳店員服務態度良好，坐位舒服，環境優美，適合唔同年齡層嘅朋友去架😊，即使你係一家大細，情侶拍拖定係朋友聚會，都相當合適👍🏻，嘢食質素方面，無論係小食、主菜定係甜品，質素高。
張貼
