影片
更多
2021-03-22
738 瀏覽
不止一次說過，自小就跟老爸喝早茶，根深蒂固地對飲茶食點心有莫明的習慣。近年跟幾位朋友組成「點心兵團」，經常走訪不同酒店中菜廳，但當中有不少是名大於實的，偶爾亦有予人驚喜的感覺。今次就同另一位朋友品嚐了銅鑼灣富豪酒店「富豪金殿」中菜廳的點心。餐廳位於銅鑼灣核心地段，毗鄰地鐵站及維多利亞公園人流暢旺，早前曾經一家人試過親子「密室逃脫」 staycation ，但就只係包 buffet，所以對中菜廳是擦身而過。翻開點心menu，種類可真的不少，最難得是涵蓋不少懷舊點心，正好啱我呢類「老餅」。古法蟹肉罐湯餃（$98）雖然寫係古法，但並非乾身用鐵片上，而係用高湯泡浸。不過市面有真正傳統風味的，大概只有來來去去果幾間，或者過多幾年，大家都已經淡忘了。無疑湯底好鮮甜，蟹肉是拆肉上，看得到、吃得出，餃皮亦不會浸到甩皮甩骨，感覺良好，賣到近百蚊一隻，個人覺得合理。上湯煎粉果（$55）想不到點心類都有上湯煎粉果，一碟四件，擺放得令人安心，粉果煎得香脆而不過火，浸入湯裡快速拎起，可以蘸上了湯汁而不會令外層變軟，好味。甘脆蝦多士（$55）蝦多士就稍微炸得過火，但仍不失香脆口感，尤其是蘸點甜酸汁，令味道複雜，貪
不止一次說過，自小就跟老爸喝早茶，根深蒂固地對飲茶食點心有莫明的習慣。近年跟幾位朋友組成「點心兵團」，經常走訪不同酒店中菜廳，但當中有不少是名大於實的，偶爾亦有予人驚喜的感覺。
今次就同另一位朋友品嚐了銅鑼灣富豪酒店「富豪金殿」中菜廳的點心。
餐廳位於銅鑼灣核心地段，毗鄰地鐵站及維多利亞公園人流暢旺，早前曾經一家人試過親子「密室逃脫」 staycation ，但就只係包 buffet，所以對中菜廳是擦身而過。翻開點心menu，種類可真的不少，最難得是涵蓋不少懷舊點心，正好啱我呢類「老餅」。
古法蟹肉罐湯餃（$98）雖然寫係古法，但並非乾身用鐵片上，而係用高湯泡浸。
不過市面有真正傳統風味的，大概只有來來去去果幾間，或者過多幾年，大家都已經淡忘了。
無疑湯底好鮮甜，蟹肉是拆肉上，看得到、吃得出，餃皮亦不會浸到甩皮甩骨，感覺良好，賣到近百蚊一隻，個人覺得合理。
上湯煎粉果（$55）
想不到點心類都有上湯煎粉果，一碟四件，擺放得令人安心，粉果煎得香脆而不過火，浸入湯裡快速拎起，可以蘸上了湯汁而不會令外層變軟，好味。
甘脆蝦多士（$55）蝦多士就稍微炸得過火，但仍不失香脆口感，尤其是蘸點甜酸汁，令味道複雜，貪心一點，如果海蝦可以再大隻些少會更得我心。
黃沙豬潤腸（$52）或者真係太邪惡，坊間有得食既地方不多，而且係火喉控制上一定要好準，時間不足，豬膶就會未熟，不但有難聞既血腥味，更加怕有寄生蟲，若果過火的話，豬膶就會韌。
師傅竟然敢厚切，只包上薄薄一層腸粉，但效果出奇地好，外層軟滑，內裡爽口，時間拿捏得絲毫不差，可以話係近年來食過最好的豬膶腸粉。
豬肚蒸燒賣（$68）對於有上下年紀朋友，相信對豬肚或豬膶燒賣不會陌生。
豬肚汆水處理得好好，沒有絲毫的臊味，咬落亦夠稔身，蒸之前下了不少功夫，肉球亦吃得出鮮味，看似簡單，其實有心機的出品。
因為信用卡有優惠，計落人均$300有找，但食物質素及環境，比起好多星級酒店還要好，個人覺得有點被人忽略，「滄海遺珠」的感覺。
張貼
