One & A Half (已結業)

今次去咗Yoho Mall 覓食😌，呢間日式西餐啲嘢食都幾特別😚，唔會好似一般Cafe咁樣千篇一律。主食加$5️⃣9️⃣就可以有一杯飲品同任選前菜，好推薦大家加錢食，因為佢啲前菜都幾特別。我叫咗杯Latte，好大杯🤣，仲有拉花，單叫都要$40 ，所以配餐真係幾抵。前菜叫咗吉列蜆肉飯團😋，呢個好得意，入面包住啲飯同埋蜆肉，就咁食都有鮮味，不過我會推薦加埋三品海鮮嘅湯汁一齊食🥰，又係另一番滋味。香煎鱸魚配大根鱸魚濃湯（$9️⃣8️⃣）個魚湯真係超級濃味，勁重魚鮮味，不過真係要趁熱飲😌，塊鱸魚皮煎得幾脆，鱸魚肉都幾厚實，啖啖肉呀！三品海鮮（$1️⃣6️⃣8️⃣）佢有好幾款揀，我哋揀咗熟帶子、有頭大蝦同埋蜆！佢個汁好正😻，酸酸甜甜，仲有少少辣。我覺得三樣海鮮都好食，不過我最推薦係帶子🥰，又大粒又索味，必叫呢款！不過有啲可惜就係有幾款都賣晒，試唔到😢，唯有下次有機會再食。