影片
更多
2025-05-05
0 瀏覽
呢日約左個中意食蠔ge朋友仔過黎慶生～就揀左間之前食過水準不錯的蠔埕～餐廳主打季節新派日式料理，經常更換菜式今次新推蝦兵蟹將和牛晚宴，有多款新鮮海鮮菜式外，更有炭燒醉酒斑馬瀨尿蝦較為罕有菜式，更有A5黑毛和牛涮涮鍋可以品嚐入口即溶的幸福口感預訂有85折優惠（120分鐘） 包加一價錢星期日至四 折後 ＄768/位星期五至六 折後＄796/位Free Flow任飲項目：Sapporo Draft 啤酒/清酒/各款汽水套餐無限追加日本牡蠣來自日本兵庫縣，喜歡食到日本生蠔鮮甜而不過於濃海水味凍海鮮盤(紐西蘭青口、生蠔、翡翠螺、鮮蝦)炭燒醉酒斑馬瀨尿蝦或琵琶蝦（視乎貨源而定）可遇不可求醉酒斑馬瀨尿蝦係溏心，一啖啜入去真係超鮮甜，仲有陣陣花雕香氣琵琶蝦 肉質比龍蝦軟身少少，但鮮甜度都係無法抗拒！爆籽蟹粉蟹肉丼滿滿儀式感，往上拎起膠邊，大閘蟹蟹粉瀑布一傾而下，鮮度十足，仲有蟹肉同蟹子增口感同提鮮，蟹控必愛！ 大閘蟹甲羅燒配多士將濃郁鮮甜蟹粉、味增同蟹子蟹肉等配料拌勻，配上脆脆多士 口感極佳！炭燒串燒拼盤粟米、雞腿肉串、豚肉蘆荀卷、自家制雞軟骨棒和牛 Shabu Shabu每人三塊大大塊A5黑牛和牛唔
就揀左間之前食過水準不錯的蠔埕～
餐廳主打季節新派日式料理，經常更換菜式
今次新推蝦兵蟹將和牛晚宴，有多款新鮮海鮮菜式外，更有炭燒醉酒斑馬瀨尿蝦較為罕有菜式，更有A5黑毛和牛涮涮鍋可以品嚐入口即溶的幸福口感
預訂有85折優惠（120分鐘） 包加一價錢
星期日至四 折後 ＄768/位
星期五至六 折後＄796/位
Free Flow任飲項目：
Sapporo Draft 啤酒/清酒/各款汽水
套餐
無限追加日本牡蠣
來自日本兵庫縣，喜歡食到日本生蠔鮮甜而不過於濃海水味
凍海鮮盤
(紐西蘭青口、生蠔、翡翠螺、鮮蝦)
炭燒醉酒斑馬瀨尿蝦或琵琶蝦（視乎貨源而定）
可遇不可求醉酒斑馬瀨尿蝦係溏心，一啖啜入去真係超鮮甜，仲有陣陣花雕香氣
琵琶蝦 肉質比龍蝦軟身少少，但鮮甜度都係無法抗拒！
爆籽蟹粉蟹肉丼
滿滿儀式感，往上拎起膠邊，大閘蟹蟹粉瀑布一傾而下，鮮度十足，仲有蟹肉同蟹子增口感同提鮮，蟹控必愛！
大閘蟹甲羅燒配多士
將濃郁鮮甜蟹粉、味增同蟹子蟹肉等配料拌勻，配上脆脆多士 口感極佳！
炭燒串燒拼盤
粟米、雞腿肉串、豚肉蘆荀卷、自家制雞軟骨棒
和牛 Shabu Shabu
每人三塊大大塊A5黑牛和牛唔會過份薄身，肉質軟稔入口即溶，口感超幸福，就係好味和牛應有口感，另配野菜盛合平衡番整件事
另外亦有一個midnight menu, 價錢$500-$600 左右，但餐單就無甘多野食喇～
個人覺得黎得呢度還是建議食斑馬瀨尿蝦套餐
張貼
