Sky726

今次呢間餐廳喺25樓，超高😆，所以景觀唔錯。餐包+餐湯+沙律加飲品（$4️⃣8️⃣）幾推薦大家加錢轉套餐，都真係幾豐富下。我好鍾意佢既餐包，好鬆軟。當日嘅蘑菇湯都唔錯，菇味濃郁。我哋另外仲叫咗杯Mocha😆，都幾大杯，甜度對我嚟講啱啱好，好香滑。野菌意大利飯（$1️⃣9️⃣8️⃣）其實我覺得意大利飯真係好難整得好食，不過我覺得佢呢個味道唔錯。菇嘅份量好多，飯既口感有迎合到香港人口味，唔會好硬，但又有煙韌度。佢上面仲曬咗啲芝士碎😌，口感更豐富。香煎是日魚柳（$1️⃣7️⃣8️⃣）呢個大推！佢呢個魚柳好新鮮，同時塊魚皮煎得好脆！煎到金黃色😋，魚肉仲保持到好鮮嫩。我好鍾意佢配藜麥咁食，感覺上成個餐健康咗🤣，而且同魚都幾夾。呢個主食有驚喜，好好味！蒙布朗蛋糕（$7️⃣8️⃣）叫埋個甜品先算完整既一餐！士多啤梨雪糕配朱古力蒙布朗，個蒙布朗係好食既，入面包住白色cream同埋朱古力蛋糕🍰，整體係幾好食，不過對我來講甜咗啲姐，啱鍾意偏甜嘅朋友。其實我覺得佢成個環境都幾適合朋友聚會🤣，當日我都係同朋友一齊去，環境係真係唔錯，如果放返晚市堂食，坐喺窗邊一定好正！